歐洲美女同東方美人各有特色，要將兩者比較，真係好難分出高下，不過點解又要將兩者相比呢？Why not both？將兩者一次過欣賞咪唔使爭囉！今日為大家介紹嘅書籍分別來自歐洲同日本，各由魅力非凡嘅美女演出，一於嚟個東西合璧，感受箇中滋「魅」就最好喇！
早前有美魔女以五十之齡出寫真集，其姣好身段以及不老美顏猶勝眾多嫩模。而喺日本同樣有好多美魔女以及人妻樂於拍攝寫真展示好身段，最近就有脊山麻理子呢位前度人妻喇。今年35歲嘅脊山麻理子可謂學富五車，曾經去過美國同墨西哥留學，亦擁有建築師資格，喺藝能界麻理子亦一樣資歷深厚，1997年贏得涉谷109廣告模特兒競賽冠軍之後，加入電視台做過女主播以及記者。喺2009年結婚之後，麻理子就專心做建築師而退出藝能界，不過喺今年9月佢宣告離婚，再次投身藝能界之外，仲推出第二本個人寫真集《mariko》。大家從中可以見到麻理子嘅身材依然婀娜迷人，應大則大，應細則細，皮白肉嫩之餘，面孔仲青春甜美，完全唔似年過三十，喺寫真集當中更加嚟個半裸演出，散發出嘅誘惑魅力比起好多後生女有過之而無不及。
書名：《mariko》
售價：約HK$213
生命同剝衫原來都應該冇Take Two先珍貴！寫真集《Sweet Beauties》畀大家見證到何謂甜到漏之餘，仲肯定「可一不可再」！全書224頁，「硬」到冇朋友除咗係紙質，當然仲係閣下細佬啦，皆因有好多又靚又好身材嘅囡囡上陣。據捷克籍攝影師Mark Novak表示，喺寫真出現嘅索女，大部分佢都唔識，囡囡多數嚟自東歐國家，透過不同途徑聯絡上，影完就散水，各不相欠，想話搵番阿妹出嚟再影過嘅機會微乎其微喎！好在，寫真集當中每件女都有個人簡介及攝影師簡評，巴打除咗欣賞到囡囡副偈，亦可從文字幻想一下當事人性格，寫真喺全球多個地方拍攝，有高山有雪地，上山下海乜都有，唯一冇辦法知道阿妹係何許人囉！
書名：《Sweet Beauties: Young, Hot & Naked》
售價：約HK$194
撰文：賢、祖