進行激烈性戰嘅過程當中，男女雙方都會受情緒催動而心跳加速，有人就話咁樣有機會誘發心血管疾病，但係德國科學家就話根本冇關係。香港人工作太忙因而令房事次數大大減少，同樣生活繁忙嘅日本人又點呢？調查發現唔少日本婦女原來唔介意無性生活。歐美兩地文化不同，女仔對性嘅態度一樣有分別，立即為大家講解一下。
第一次見到自己嘅心儀對象，好多人都會怦然心跳，如果有機會同對象喺未有充足準備之下上床，心跳更加會急速暴增！當然，就算係老夫老妻，喺床上打得火熱，激烈交戰期間心跳一樣會火速增加啦！不過，家陣大家都食咁多高脂食物，加上少運動，做愛又會唔會誘發心血管疾病，又或者影響心臟病患者呢？德國科學家就表示毋須擔心。早前搵來536名年齡介乎30至70歲嘅心臟病患男女，訪問一下佢哋第一次心臟病發之後嘅性生活情況。55%受訪者表示每星期上床至少一次，四分之一受訪者表示平均每星期做愛少於一次，科學家表示佢哋病發後一直保持適量性生活而冇因為上床而再病發，加上另一邊廂有14.9%受訪者表示心臟病發前12個月完全冇做過愛，證明冇證據顯示上床同誘發心臟病有關。
美國人同歐洲人有乜分別？對於好多香港人嚟講分別不大，全部都係外國人。但因為文化、種族、環境不同，其實歐洲人同美國人都有其獨特性，分別當然唔少啦！一個調查就了解歐美人嘅性生活習慣而進行，發現兩者相當唔同。就以性知識為例，美國人對於性器官嘅認知就比歐洲人為佳。喺床上方面，歐洲人就比較鍾意用傳教士式同騎乘位，後進式以及傳教士式則為美國人嘅至愛。避孕方面，歐洲女仔嘅首選為口服避孕藥，美國女仔則鍾意用安全套。不過，歐美人有不同之處，亦同樣有相同之處，好似發生第一次嘅地方都係自己或對方嘅屋企，歐美女仔都喜歡玩角色扮演增加嚟床上情趣。
早前有調查顯示日本宅男數量趨增，而佢哋冇女友亦唔想有女友，希望一直保持寫意又自由嘅單身宅男生活。睇完呢個調查結果，相信好多男士同我一樣會諗，既然咁多宅男都唔願溝女，咁日本一定有好多女仔搵唔到男友，過日本溝女咁就容易得米啦！即使係一夜情都好。之不過，咁諗真係好天真，因為好多單身日本女仔根本樂於過無性生活。早前有調查訪問咗200個年齡由20至30歲嘅單身女士，問及佢哋有性需要嘅時候有咩方法解決，居然有54%表示唔做愛都冇所謂。照咁樣嘅結果睇嚟，日本女仔都幾忍得，亦唔容易得手喎。
撰文：賢