護亞沙奈最強巨乳女王

喺日本寫真界胸大真係有着數,而巨乳妹又往往能夠順利跳入影視界發展,好似紅透半邊天嘅綾瀨遙、小池榮子都係憑住一副驕人身材於寫真界成名,近年更加有一位被稱為「寫真界史上最強巨乳」嘅女優人氣同活躍度直逼二人,佢就係護亞沙奈喇!

極巨大肉彈

唔知係大家嘅創意都有點江郎才盡,定係日本漫畫真係咁適合改編成影視作品,家陣好多日劇、電影都取材自漫畫,例如近期就有《進擊的巨人》,而日劇方面早前就有《深夜食堂》,以及小弟相當鍾意嘅《監獄學園》喇!點解?因為入面有位女演員的確同漫畫中嘅角色白木芽以子一樣咁索,最重要就係一樣咁好波,呢位演員就係護亞沙奈喇。今年25歲嘅沙奈樣子生得冷艷兼帶有一份傲氣,老實講又真係抵佢傲視眾生,因為佢嘅身材實在太出類拔萃,更加被稱為仿似從二次元漫畫世界走到嚟現實一樣咁罕見。沙奈身高5呎6吋,三圍有36-22-34,腰肢幼成咁唔出奇,最奇就係胸前嘅I Cup大肉彈屬天然,形質俱佳,難怪擁有「寫真界史上最強巨乳」封號!早前AV界就選出佐山愛同《雷朋三世》女主角峰不二子最相似,其實相比起嚟,沙奈比起佐山愛更有過之而無不及。

甘心露出

沙奈身材生得咁好,可能同佢係混血兒有關,據悉沙奈嘅父親係柬埔寨人,母親則為日本人,唔怪得面上散發出獨特嘅氣質啦。沙奈好細個嘅時候因為欣賞到寶塚歌舞團嘅表演,因而一心成為演員,喺就讀高中嘅時候畀佢搵到機會以河野麻奈嘅藝名進軍寫真界。

憑住驕人上圍,沙奈成功引起話題,不過高潮過後人氣總係難再上揚。幸好,決心做藝人嘅沙奈從未放棄,喺2012年終於畀阿妹一從飾演一個電影角色,雖然喺呢套喪屍惡搞電影《Zombie Ass》當中沙奈要露股,仲要被喪屍寄生蟲由後花園鑽出嚟,大大破壞形象,但係獲得外界賞識,及後相繼演出過唔少電影如《男女大戰》以及於11月月上映嘅《劇場靈》。最近,沙奈有份演出嘅電視劇有改編自同名漫畫嘅《監獄學園》,當中沙奈扮演戲份甚重嘅角色白木芽以子,點解搵阿妹飾演呢?原因係芽以子擁有超現實嘅巨乳身材,同阿妹相當貼近,同時芽以子乃係SM女王,外表冷酷無情,又同沙奈極之相似,好多漫畫迷都讚製作單位選阿妹扮演呢個角色最適合不過,仲好期待沙奈喺劇中大露I奶添。

個人博客

簡介:護亞沙奈近期除咗忙於拍劇,同時努力綵排多部舞台劇,喺博客不時都會分享綵排情況,有興趣了解一下不妨Click入佢嘅博客睇睇。

網址:http://ameblo.jp/mamoruasana/

護亞沙奈Profile

年齡:25歲

身高:5呎6吋

三圍:36I-22-34

撰文:賢