職員變女優產量唔使愁

一個品牌要成功搶佔市場佔有率,除咗要保持產品質素,仲要增加產品種類,好似三粒星手機咁,大中細尺寸,高中低階型號都有,以百貨應百客。之不過,要有咁多款產品當然要有咁上下資源配合,好似日本AV界都知道集團SOD咁,喺呢方面就唔使驚,因為入面嘅女職員幾乎全部都可以變身成為AV女優!

另闢蹊徑

上年SOD可謂諸事不順,本來諗住以紗倉真菜、白石茉莉奈以及前AKB48成員橘梨紗組成嘅黃金鐵三角陣容能夠橫行AV界,點知橘梨紗突然人間蒸發,冇咗呢位叫好又叫座嘅女優,SOD咪搵其他優質女優代替,好可能搵來嘅幾個女優都未出閘先脫腳。幸好,原來SOD仲收埋好多秘密武器,佢哋正是SOD嘅宣傳部女優喇!現時SOD旗下嘅社員幾乎可以成為女優陣容內嘅重要支柱,就算一眾專屬女優走晒都唔使怕。SOD如此另闢蹊徑嘅做法又創造AV界先河,之不過,其實都唔係呢一兩年先至咁做,大約十年前SOD就已經將自己嘅女職員出賣,推出女子社員系列,然而當時以女職員揭露私生活為題材,拍得又暗又模糊,唔單止挑唔起人興趣,仲難以成為話題。

有真有假

最近SOD女子社員成立咗正式網頁,由現役宣傳部職員,同時亦成功打響女優名堂嘅市川雅美擔任代言人。網頁有好多女子社員相關資料,仲有一個社員圖表,將曾經拍過AV嘅社員及佢哋拍過嘅作品列出嚟,大家Click上www.sod.co.jp/special/kokodake/index.html就一目了然。不過點解呢班社員部分見樣而大部分就遮咗呢?原因可能同私隱有關,話晒拍AV都唔係話好光彩,稍為遮住社員個樣就可以保障到佢哋嘅私隱。之不過,明眼人如我一睇,就會發覺呢個所謂女子社員部分係造假嘅!好似有位水野理沙,就算遮住雙眼我都認得出佢係AV女優水樹理沙啦!至於其他社員亦熟口熟面,而佢哋所拍嘅作品都以大堆頭為主,目的就係要蒙混過關,製造有好多女子社員一齊拍AV嘅假象。

工作證明

雖然SOD嘅所謂女子社員有部分由現役AV女優假扮,但又有唔少的的確確曾經喺SOD公司任職,並出現不少成功轉型個案,成為知名AV女優,好似淺野惠美以及櫻井彩咁,二人質素超班,轉型後,前者獲Ideapocket挖角,後者更投身大廠S1旗下,SOD社員可謂名成利就。但係,又點證明佢哋真係女子社員呢?唔可以換套OL服再加個職員證就話係喎。SOD不時會將佢哋嘅工作實況公布,以現役SOD宣傳部職員市川雅美為例,大家可以從SOD網頁見到佢成日都會協助其他女優辦簽名會、握手會,處理AV碟分貨,甚至去到DVD店親身將AV碟上架等,以實際工作證明自己的確係SOD女社員。

撰文:賢