你去玩話要有驚喜，佢去玩又話要有驚喜，今次一於畀啲驚喜大家。話說內地夜遊興起一種同賭錢一啲關係都冇嘅「外圍女」，佢哋索價高達6,000人仔，驚唔驚喜先？台灣一間表面係正經桑拿場竟然暗藏春光，夠驚喜未？若嫌以上都唔夠爆嘅話，日本有間女王調教風俗店，班風俗孃專門使出格鬥技嚟招呼玩家，睇怕你頂唔順喇啩！
咪以為講親外圍都係同賭錢有關，查實佢哋同賭錢一啲關係都冇。所謂「外圍女」係內地夜遊業興起嘅一種服務性工種，呢啲囡囡往往以一種好亮麗嘅職業，例如模特兒、演員、空姐等嚟包裝，實質通過手機聊天App從事賣肉工作之餘，仲會透過熟客嚟累積消費群，跟住再喺聊天群組幫其他外圍女介紹賣肉工作。可能有人覺得呢啲吹水嘢，作為一個熟手玩家早就被佢哋看透，話雖如此，但開價不菲嘅外圍女卻係有價有市。究竟不菲到乜嘢程度？每次收費由5,000人仔起，若然吹到係模特兒、碩士生等，肉價更係由8,000到10,000人仔不等。據講外圍女每日由下午4、5點開工，生意好時可以做到凌晨3、4點，每月收入達6位數字嘅囡囡更為數不少。話說回來，外圍女嘅銜頭都係呃人，呢點同十賭九騙嘅道理好似又有啲關係，只係睇吓邊個願者上釣啫！
家陣嘅台灣夜場保密工夫真係好勁，勁成點呢？台北三重區有間開業十幾年嘅桑拿場，表面上佢係一間正經場所，實際上卻暗藏春色。玩家入到去後，場內經理會先睇吓係咪熟客，與此同時攝像鏡頭會畀其他負責人透過視像核實玩家嘅身份，核實後經理就以暗號問玩家：「今日需要其他服務嗎？」玩家如果話好嘅話，經理就會用遙控器打開偽裝成落地全身鏡嘅暗門，跟住玩家沿樓行落去地下室，當中設有15間曳曳密室，仲有多條暗道畀玩家「走佬」。至於囡囡嘅質素高唔高？唔好意思，囡囡嘅年齡由40至50歲不等，另外每次收費為4,000台幣（約1,000港元）。搞咗咁多嘢換嚟咁嘅質素，真係搵食艱難呀！
M男去女王風俗店度玩，嚟唔開畀皮鞭、高踭鞋、藤條等招呼一餐，如果覺得呢啲冇乜驚喜嘅話，咁唔知格鬥技「奪命迷魂鎖」又點睇呢？話說日本鶯谷有間女王風俗店，佢哋搵嚟一班曾經打過擂台嘅女格鬥家坐鎮，專門以格鬥技嚟招呼M男。日本就有個非M男玩家，特登上去體驗一下做人肉沙包嘅滋味。據佢憶述當時見到着得好密實嘅「女王」時，真係唔覺得有乜嘢咁特別，點知女王二話不說就用眼罩蒙住佢雙眼，正當佢唔知點反應之際，女王突然使出一招「奪命迷魂鎖」，鎖到佢窒息咁滯，囡囡仲問佢爽唔爽，佢猛咁點頭，但囡囡都冇鬆開手，好唔容易終於講咗句話「爽」，先至可以甩身，自此之後，呢個玩家唔敢再去幫襯。雖然係咁，但呢間每90分鐘收費24,000日圓（約1,560港元）嘅風俗店，據聞生意相當唔錯。
撰文：魂