雖然患有公主病嘅傲嬌女，唔係好多人接受得到，但係換上溫柔體貼又待人有禮嘅公主，大家一定會愛不釋手。呢隻由日本十八禁遊戲商Princess Sugar推出嘅新作《姬樣LOVE生活！》，就係以公主做主題，呢班公主萌味十足兼擁有激凸巨乳，睇到人流晒口水，配合埋後宮式嘅劇情，必定滿足到想過住左擁右抱生活嘅玩家。故事講述因為父親工作嘅關係，男主角八尋同埋佢細妹搬到新居，有一日返屋企時，卻發現門口停咗架大貨車，入到屋後更驚覺有個半裸美少女喺度換衫，唔通佢認錯住所入錯屋？美少女換完衫後表示，佢係嚟自一個島國嘅公主，而嚟嘅目的係為咗勸服八尋回國繼承王位，仲話八尋一日唔答應，佢會一直住喺度。正當八尋喺度煩惱緊之際，嚟自各國嘅公主接踵而嚟，個個都要求八尋去佢哋嘅國家做國王。究竟八尋最終去邊度，同埋過住呢種荒淫嘅後宮生活，佢頂唔頂得順呢？