勁呀！厲害！好多女呀！唔係小弟去咗某某夜場觀摩，而係我哋一眾AV迷及正經男士都鍾意嘅日本美女樂壇組合惠比壽麝香葡萄，早前經過解散之後，最近終於重新集結喇！
近年日本AV女優好鍾意向樂壇進軍，冬月楓、紗倉真菜等，甚至AV界大姐大吉澤明步同麻美由真，都已經喺樂壇發展，展示其誘人外表及甜美歌聲，絕對係男士之福。雖然咁多女優兼職做女歌手係一份福氣，但好多AV迷同本人，仲相當懷念過去一支女優團體，此乃惠比壽麝香葡萄！
呢個由AV女優、模特兒及水着妹組成嘅女子組合陣容龐大，成員三十幾人，見到佢哋表演歌舞真係一件賞心樂事，亦令一眾男士多一個途徑欣賞到班女優搖曳生姿嘅美態。雖然佢哋喺2013年解散咗，大家都為組合流下不捨嘅眼淚，但早前終於傳出好消息，就係麝香葡萄將會再次登場，而且從五千名應徵者當中，三十三名美女已經獲挑選成為正式成員。
官方表示今次麝香葡萄陣容強勁，仲揚言要揮低當今日本樂壇人氣女子組合AKB48及桃色幸運草Z。有咩咁把炮可以挑戰王者呢？名字變成惠比壽★麝香葡萄，自然係粒粒皆星，成員當中有二十名現役AV女優，其餘嘅係水着妹同模特兒，佢哋雖然樣靚身材正，但係講到知名度一定唔及來自AV界嘅姊妹喇。咁呢班現役AV女優有邊幾個呢？包括AV名廠現任一姐明日花綺羅、人氣冠軍上原亞衣、癡女王者蒂亞、人類最強Body沖田杏梨、拍過台灣偶像劇嘅葵司等，全部都係狀態處於高峰嘅AV猛將！喺9月26日麝香葡萄首次以完整陣容開記者招待會，而活動將陸續有來，而專屬嘅深宵綜藝電視節目《夜間麝香葡萄》現已啟播，新碟會喺11月25日上市，12月更加有大型演唱會「Tokyo Sexy Dynamite 2015~初戀~」，想緊貼佢哋嘅最新動向，可瀏覽網址https://www.ebisu-muscats.com/news/喇。
惠比壽麝香葡萄於2008年組成，當時令大家耳目一新，因為日本樂壇幾乎搵唔到AV女優嘅蹤影，組合一出就帶咗咁多AV女優出嚟表演，實在係演藝界同AV界一大突破，更為後來眾多AV女優鋪好勇闖樂壇之路。另一個突破係麝香葡萄由隸屬不同經紀公司嘅AV女優、水着女優和模特兒組成，喺一向充滿山頭主義嘅AV界，非常少見有呢種跳出框框嘅動作。第一代麝香葡萄嘅成功除咗因為人數夠多，女優級數都好重要，蒼井空、吉澤明步、麻美由真、小川亞沙美等都屬天后級，佢哋嘅名氣大大加強組合喺其他亞洲地區嘅影響力，喺2011年11月至12月甚至到訪香港同台灣舉行演唱會，以慰兩地粉絲嘅相思之苦。
撰文：賢