對演員嚟講演而優則導係道理，而對模特兒嚟講，行出銀色旅途更係王道，好似內地人氣嫩模趙芊羽咁，不但喺模特兒界獲得亮麗嘅成績，喺影視路上亦有出色嘅表演。佢之所以喺電影界同模特兒界均能夠取得出色成就，除咗憑住性感又火辣嘅外形外，最重要係有毅力。
如果話天道酬勤嘅話，用喺呢位嚟自北京90後嘅索模趙芊羽身上，話佢天道酬毅會更加貼切。別名薇雪，並曾用過藝名趙雪嘅佢，早年喺郵電大學讀書，其後又於中央戲劇學院修讀演藝課程。呢位擁有出眾三圍及迷人樣貌嘅索模，憑住令人着迷嘅外形，先後喺2010年嘅瑞麗之星模特兒比賽中獲得亞軍，並於同年獲得瑞麗先鋒時尚達人獎。呢個成績不但證明佢唔單止外形吸引，仲相當有衣着品味，最重要係佢夠膽行性感，而且性感尺度更係令人大開眼界。迷人嘅外形、勇於展露自己誘人身段，加上喺模特兒比賽中嘅成績，令芊羽聲名大噪，成為一個炙手可熱嘅模特兒。從佢出道至今，不但喺車展中以車模身份登場，更喺多個時裝展、泳衣展中演出，當然唔少得喺多本雜誌及平面媒體中搵到佢性感迷人嘅倩影。
不過大家着眼於佢喺模特兒界嘅成績同時，有一點亦唔可以忽視，原來早喺佢走上天橋以模特兒身份示人之前，已經踩入影視界。翻查資料發現，佢喺2008年已經開始參演電視劇，當其時年僅17歲嘅佢，雖然只係飾演配角，但足見其演技有番咁上下。其後佢幾乎每年都有唔同嘅電視劇演出，而所飾演嘅角色更係愈嚟愈重要。喺呢段日子中，佢不但要從事模特兒工作，又要參與電視劇演出，最重要係佢仍要兼顧埋學業。呢種一個人飾演三種唔同角色嘅生活，就算家陣佢諗番都覺得辛苦，而佢曾經表示過，為咗返學同演出，試過幾日未瞓過覺。須知道捱得咁辛苦個人總會變殘，而作為模特兒嘅佢為咗能夠保持最佳狀態，花過相當大嘅心血，先至可以得到今時今日嘅成績，因此大家咪以為模特兒表面好風光，如果冇毅力嘅話好難闖出名堂呀！
簡介： 點解一直唔提趙芊羽嘅身材有幾咁火辣呢？因為只要睇吓佢嘅寫真，就明白佢對車頭燈嘅威力。其實除咗一對巨乳迷人外，修長嘅美腿同埋勾魂電眼同樣魅力過人。如果想知道佢仲有乜嘢誘人地方嘅話，可以去佢個人微博度睇吓。
網址： www.weibo.com/u/2437982821
出生地：北京
身高：174cm
三圍：35、24、35
撰文：魂