喺呢個連食水都信唔過嘅年代，有乜嘢可以信得過？內地有邪骨場話如果喺團購網購買服務套餐，價錢平咗仲好玩咗，係咪堅先？台灣嘅半套店推出增值服務，等玩家同囡囡都玩得開心啲，又信唔信得過呢？不過可以肯定嘅係，日本風俗孃真係信唔過，皆因佢哋好口疏，大爆有唔少知名運動員經常嚟尋歡之餘，仲爆埋佢哋嘅性能力添呀！
內地嘅購物網站真係乜嘢都有得買，大至汽車到即食紫菜、口水雞等乜都有，原來連邪骨套餐都可以搵到，問你服未！話說安徽合肥有間以養生會所為包裝嘅邪骨場，早前喺團購網上推出198至468蚊人民幣嘅團購優惠套餐，並以「男士尊享」、「親親果凍」、「風情護理」等服務作招徠，吸引玩家上去捧場，同場加映玩家評語，等大家知道玩樂度有幾高。據知推出團購優惠套餐後，生意相當好，入場玩家都係團購客。點知有個玩家唔知係咪冇睇到網站內其他玩家出位兼露骨嘅評語，買咗個幾百蚊套餐入場後，至發覺原來唔係正骨場，大怒之下報警求助，結果不但被有關當局掃場，仲連帶在場嘅二十幾個玩家都被一網成擒。
內地有養生會所玩邪骨服務，台中南投亦有養生館推出超平按摩套餐，價錢更係低見兩粒鐘不過係1,000台幣（約250港元），兩百幾蚊有得JJ咪好抵？唔好意思，呢個係正骨價嚟，想JJ嘅話，請加多半套服務費600台幣（約150港元）。本嚟玩家望住技師心口條事業線，加埋嗰條超短迷你裙，仲要畀技師按吓摸吓，自然蠢蠢欲動，加多百幾蚊又唔算太貴。可惜囡囡質素真係好一般，雖然佢哋着到鬼咁性感，啲玩家都寧願講句「正骨得喇！」而囡囡為咗搵食惟有施展冧功兼扮可憐，同玩家講正骨佢哋只能抽4成佣，半套服務嘅錢先至可以落佢哋袋。不過對使錢有異常執着嘅玩家嚟講，動之以情？嘥氣啦！仲要嗱嗱聲講句「可唔可以換過第二個嚟呀？」
每次舉行國際運動賽事，好似世界盃同奧運會開始前，總會聽到啲領隊叫運動員禁慾。每當聽到呢啲說話時，內心總會有個疑問：「運動員嘅性慾好旺盛嘅咩？」早前日本一間位於吉原嘅高級Soapland，亦即洗浴風俗店，當中有位化名千里嘅泡姬爆料，話經常遇到專業運動員嚟玩樂，仲大爆邊類運動員嘅性能力最勁添！千里話入職以嚟遇到唔少棒球員、足球員、格鬥家、泳手等，而當中表現得最好嘅係棒球員。據佢分析因為棒球員短跑訓練強度夠關係，所以腿部力量十足同爆發力一流，並以重炮手嚟形容佢哋。至於表現最差嘅係足球員，事關佢哋往往花招多多，卻表現只屬一般，名副其實華而不實。
撰文：魂