香港人出名愛心爆棚，如果唔係每年點會有咁多籌款節目呢？但各位善長仁翁有冇諗過，其實一班默默耕「淫」為巴打解慰嘅脫星，都好需要大家解囊！事關四仔界正面臨一場科技革命，好需要大家伸出援手，為平平無奇嘅四仔帶來立體影像，呢個名為GivePornAHand嘅籌款活動，巴打冇理由唔支持吧！
四仔迷有片J就開心，之不過有冇諗呢班艱辛嘅脫星，除咗要努力拍戲，仲要面對科技一日千里呢？試問今日邊個無用智能產品，手機平板孭到一身都係，但各位有冇發覺咁多年四仔冇乜點Upgrade過？業界人士一早察覺到嚴重性，可惜佢哋唔似大電影咁有乜乜基金支持，亦好難名正言順同公眾攞錢，唯一出路係靠片廠老闆投資，以至發展到今日，虛擬實境色情（VR Porn）都仲未成為主流囉！
需求大但發展慢，惡性循環令市場不斷萎縮，巴打對十年如一日嘅平面四仔提唔起性趣，銷量大跌，片廠為谷數，先減產新作，同時脫星有咁激玩咁激吸睛，巴打有眼睇，脫星前後門盡開，黑男白妹混戰，惡搞超級英雄片，過往視之為另類四仔，今日變成指定動作！長此下去，第日想搵套四仔睇都難呀！咁當然，有錢搵總有人企出嚟，近年VR Porn雖然得唔到軟硬件生產商嘅支持，但四仔廠靠自己開發一樣大受追捧，家陣幾家大廠都爭住要製作虛擬實境四仔，睇怕等到頭戴式顯示器普及，立體打J不再是夢！
有人揼本固然好，問題係片廠各自為政開發實在太慢喇，多得HoloFilm四仔製作公司老闆Brian Shuster發起GivePornAHand籌款活動，喺Indiegogo集資，全球J迷都可以捐獻，好等佢哋可完成虛擬實境性愛，稱佢為「萬眾同心JJ金」貼切不過呀！發言人話今次籌款係四仔革命，由過往平面到虛擬實境，再進化成互動虛擬性愛。
簡單講兩嘴，現時有嘅虛擬實境四仔係被動式，即係用家戴上眼罩後跟住故事發展去J，過程有得參與但無法改變劇情，而今次想搞嘅主動式，讓用家身處其中睇囡囡同男優執劑，甚至乎一腳伸開男優，自己上場砌，要騎乘要推車，囡囡即時配合聽晒你話，係咪諗吓都爽呢？但咪開心得太早，皆因Brian哥目前只製作咗一段Demo，放喺官網（網址：www.givepornahand.com）上面，分為男優版及脫星版，仗義演出嘅脫星Lily LaBeau，因為未籌到錢所以只得360度「全息影像」波哋！
講開又講，今次官方集資目標為25萬美元（約195萬港元），當中包括開發、製作、營運、軟硬件、宣傳費、雜費、專利版權費等，老闆仲話希望可達《阿凡達》級數，難怪網友都好懷疑點樣做到，咁結果咪到目前為止都只得約7,500美元囉！巴打唔撐可以理解，但肯定業界男女脫星都瞓晒身幫手，幾乎一線脫星都身體力行支持Brian構思，訪問又講，社交網又講，尤其是女神Kayden Kross更用盡所有渠道向公眾介紹籌款活動，無他嘅，全「色」影像可以令四仔界持續發展，四仔不再平面，脫星變成立體偶像，更重要係杜絕盜版問題，因為當你要J就毋須買碟，而係直接去囡囡官網，登入同佢執番劑。
講咗咁多VR Porn，仲係對四仔界嘅「虛擬實境色情」一頭霧水？唔緊要，正如發起今次籌款活動嘅HoloFilm所講，只不過係將現有技術搬入四仔，例如頭戴式顯示器4K拍攝、3D立體影像，再靠佢哋研發嘅互動全息影像性愛（Interactive Holographic Sex），全部夾埋一齊嚟播，等你將幻想變現實，J住同脫星執劑，再發展落去會係全息投射影像，連眼罩都唔使戴，投射脫星喺你間房四圍走，但呢個技術睇怕冇十年八年都唔使諗！
撰文：祖