情趣吹氣公仔係苦悶男士解決生理需要嘅好幫手之一，只係大家玩完之後唔好亂咁丟，仲要丟埋同一個區域嘅河流度，呢種行為更加係唔要得！話說早前山東濟南明湖北路順河高架橋下護城河，有市民發現河道上漂浮一具「浮屍」，於是驚動公安派人前去打撈，卻發現所謂屍體原來係個被人亂丟嘅情趣吹氣娃娃。雖然係虛驚一場，但總比係真人好得多，而呢件事當時惹嚟熱議。不過有人就指呢處嘅河流，尤其係鄰近大學校區一帶，經常會有類似嘅「浮屍」出現，暗示大家已經見怪不怪。呢句說話所引伸出嚟嘅問題係，唔通呢度附近嘅河道已經成為被棄吹氣公仔嘅樂園，定係唔少人都鍾意將佢哋嘅哎吔女友掉落河呢？