早前愛爾蘭公布一個關於一夜情調查報告，訪問咗12,000名不同年齡層成年男女，結果發現超過9成受訪者試過一夜情，當中有44%係女受訪者，而男受訪者則有39%，即係話男女都好鍾意新鮮刺激，其中有12%男士話超過20次一夜情，而女性有4%，莫非愛爾蘭人真係咁好「性」？
至於呢個調查報告嘅數據有幾真確性，只得佢哋先知，但咁啱得咁橋，最近有本報稱有關愛爾蘭真人真事改編嘅情慾小說推出，書名叫《Bare》，作者Julianne Daly表示根據100位由18到80歲愛爾蘭女士嘅性事調查報告而改編成小說，而推出呢本情慾小說嘅目的，係希望引起當地社會一直對性愛視為禁忌嘅話題，言下之意故事絕非單單床上過程，反而係重口味到平日唔敢攞出嚟討論啦！全書256頁有過百個古仔，所以故事極短，主要圍繞女性出發，想知愛爾蘭女性喺性方面有乜奇遇，一定要睇呀！
書名：《Bare》
售價：約HK$125
撰文：祖