日圓近期處於低水，令香港人更加熱衷於去日本旅行兼購物，但係相信港人一定唔會似內地大媽咁搶購電飯煲同廁所板，咁買咩好？日本除咗食品同衣物值得帶返香港之外，仲有佢哋最出名嘅Cosplay服裝，今日就由有最強美少女之稱嘅櫻由羅帶大家由頭扮到落腳，由面選購到底啦！
近期有唔少市民都話內地水貨客湧入香港，由奶粉、日用品到凍肉都成為佢哋嘅搶購對象，對佢哋通街執貨阻礙街道嘅行為大表不滿。咁又難怪，香港出售嘅貨品雖然唔一定價廉，之但係品質一定有保證，對於受黑心食物同用品困擾嘅內地人的確有相當吸引力。老實講，小弟去過幾次日本，發覺我哋香港人都唔好得班水貨客好多，事關好多港人去到日本就好似虎入羊群咁，呢樣又話好味，嗰樣又話香港買唔到，咪又係買到三四箱貨物返香港。睇完今日嘅介紹之後，相信港人，特別係女港人下次去日本仲會帶多幾箱行李返港添！今日最強美少女櫻由羅帶我哋去嘅Cosplay店乃係阿妹極力推薦，入面嘅服飾包羅萬有，唔好話女仔，就算男仔入到去一樣滿心歡喜，點解？因為幻想緊女友換上咁可愛咁誘人嘅Cosplay服囉。
櫻由羅今次帶我哋去參觀嘅Cosplay服專賣店叫做「ilovecos」，喺JR新宿站南出口走3分鐘就去到。櫻由羅好明顯係常客，一去到舖頭就有職員同佢打招呼，態度相當親切。櫻由羅好快就搵到心水貨品，就係一套學生服，點解套學生服會放喺衣服陳列架嘅上面咁高呢？客人揀衫咪好唔方便？櫻由羅話畀大家知，呢個其實係特別貼身嘅設計，將貨品放到咁高，客人可以將服裝拉落嚟睇，嘗試用龍友嘅仰視角度嚟欣賞件衫，咁做嘅原因係好多買衫嘅客人都係Cosplayer，經常開攝影會搵食，梗係要顧及龍友嘅感受啦。櫻由羅揀咗幾套衫之後就即刻試身，試完水手裝校服又變身做涼宮春日，然後又搵套心口開窿嘅緊身皮革衫，連底褲都搵埋，不過阿妹就扮晒怕醜咁係咁遮住唔畀人睇。
櫻由羅乃係近年人氣強勁嘅美少女之一，氣勢同實力都拍得住今年3月贏得SkyPerfecTV成人放送大獎2015最優秀新人女優獎嘅天使萌！雖然櫻由羅喺獎項競爭當中，只係輸天使萌半個身位，但係支持度絕對唔會低過天使萌。二人雖然互相競爭，但私底下相當老友，最近仲為Kawaii齊齊合演一套新作《初磨豆腐解禁&仲良共演4時間SPECIAL》添。櫻由羅除咗拍AV，發展路線亦有好多，之前已經係一位頗具人氣嘅Cosplayer，經常參加同人誌展覽會。另一方面，阿妹仲係一名歌手，作品包括《戀之由羅》，想欣賞櫻由羅甜美嘅歌聲，可以Click入www.youtube.com/watch?v=0qMUncmH9jc。
撰文：賢