四仔界品流複雜，站得住腳都唔易，更莫講話走紅呢？能夠紅足咁多年嘅Jesse Jane，喺中女之齡過底Jules Jordan片廠做一姐嘅就更加難上加難，偏偏阿姐都會有失手嘅時間，中伏呀！綜合美國八卦網及每日郵報報道，Jesse Jane喺拉斯維加斯夜總會暢飲後，居然「醉」倒街頭，據聞阿妹仲出現短暫性昏迷、渾身乏力兼失去認知能力添！報道話當日下午1點左右，阿妹喺Planet Hollywood賭場外暈倒，好彩當時有朋友喺身邊，而事後據Jesse表示，未暈前佢曾經喺酒吧同陌生男人飲酒，飲咗兩杯後，好快就出現頭暈身（慶），更有作嘔感覺，於是佢就要求朋友帶佢返酒店房休息，阿妹就一口咬定係有人喺杯酒落咗迷姦藥，目的係想搞佢咁話，如果係真，實在太危險喇，各位絲打記得小心，唔好亂飲陌生人請嘅酒！但話說回來，作為一位超級脫星，喺四仔界打滾咗十年有多嘅Jesse姐，有乜嘢風浪未見過，點解會咁失策，只有佢自己先知喇！