勁呀！真係好勁呀！有今生冇來世呀！天呀！下年可唔可以畀小弟參加埋一份呀？乜事令我咁瘋狂？咪就係因為AV女優，而且唔單止係一個兩個咁簡單，而係120個呀！咩盛事咁厲害請來咁多女優到場？就係日本AV集團SOD搞嘅「SOD Premium之夜2015」囉！事不宜遲，帶大家睇吓當日「胸」前盛況啦！
雖然家陣小弟已經成熟晒，但係同女仔拍拖都會帶對方去主題公園或遊樂場玩吓，一來行街街分分鐘被對方嗲到荷包大出血買名貴手袋，二來去遊樂場玩最能夠製造更多身體接觸嘅機會，有效地增進彼此親密程度，留下美好又愉快回憶。不過，小弟運滯，錯過咗一次去遊樂場留下人生最開心最愉快回憶嘅機會。SOD呀！出年可唔可以再搞「SOD Premium之夜」呀？我剛才提及嘅活動，乃係由日本AV集團SOD主辦嘅大型感謝祭，主要係酬謝一眾AV迷，呢班AV迷除咗用精神同精力支持SOD嘅作品，仲幫襯SOD一定金額來儲積分，積分達到一定數目至可以參加今次呢個AV史上最大型嘅感謝活動，有幾大型呢？SOD將成個淺草花屋敷遊樂場包起，仲請來120位AV女優同呢一千位「金主」喺遊樂場玩足一日，夠大型未？
呢120位AV女優當中，有咩名牌呢？今次活動由SOD主辦，旗下嘅專屬女優梗係要全部出嚟撐場啦！當中包括有紗倉真菜、白石茉莉奈、古川伊織同瑠川莉娜等，AV女優兼SOD宣傳部職員嘅市川雅美當然亦有登場啦。而其他女優亦實力非凡，暗黑志玲波多野結衣、人氣王上原亞衣、爆乳新貴千乃杏美等，都有份喺遊樂場招呼班AV迷，能夠一次過見到咁多頂級女優，真係此生無憾矣！眾女優因應佢哋所屬嘅團體以及AV廠分為17個小組，分別去到遊樂場不同位置同AV迷一齊玩樂，不過佢哋嘅主要工作都係畀班AV迷舉起相機影相，原因係活動其中一個主題係攝影會，而班AV迷亦同小弟一樣覺得活動難得，幾大都要用相機捕捉晒班女優嘅倩影留為紀念。
另外，遊樂場入面認真多嘢玩，例如同白石茉莉奈玩高爾夫球，又可以玩過山車。唔想玩太多機動遊戲，消耗太多體力，參觀環節一樣令人大開眼界。當日SOD展出旗下最得意嘅發明─魔鏡一號貨車！呢架貨車大家相信喺AV作品當中見過，車身有多塊單面玻璃，AV製作單位就係用佢車女優去到公眾地方，要女優同素人男優玩車震，入面激戰連場，外面就人來人往，即使係觀眾亦覺刺激萬分，參加活動嘅朋友就可以走入呢架車觀摩。此外，亦有好多女優擺檔搵食，好似千乃杏美就臨時擔任小食店職員賣刨冰，而巨乳蘿莉妹伊藤莉娜則做修甲妹幫AV迷修靚啲指甲，服侍相當周到。有咁多嘢玩，仲有咁多親近女優嘅機會，真係希望下一年SOD再搞啦！
撰文：賢