日本女性予人形象唔算開放，但係有調查就發現，要同日本嘅OL上床，只要見兩次面就得米喇。性騷擾好多時都係針對女性發生，有訪問發現除咗OL之外，日本嘅女議員受到性騷擾嘅情況亦屬常見。好多男人認為上床貴精不貴多，但係有研究就話男人做愛做得多，對身體健康有正面作用。
好多男仔約女仔出街，除咗想同對方發展感情，好可能心入面只係想同對方上床發生一夜情。之不過，到底係咪見一次面就能夠上床咁簡單呢？如果對方係日本嘅辦公室女郎，即係OL的話，第一次見面就未得，下一次見面就好有可能得米喇。早前日本有調查訪問咗200位OL，問及佢哋同男仔約會幾多次至會同對方上床，最多人答嘅係見面二至三次就會發生肉體關係，有99位OL咁多，其次就有55人答四至六次。至於第一次約會就同對方上床嘅OL，亦有25個。咁係咩原因令佢哋同對方發生一夜情呢？最多人答係對方夠靚仔，其次就係因為酒精使佢哋戒心下降，之後就係對方風趣幽默。咦喂！我個人幽默又抵死實有機啦！下次去日本試吓約啲OL出街先！
議員為民請命，為人民發聲，一向都好得大家尊重同信賴，一般嚟講都好少人會對佢哋動粗又或者以不禮貌態度對待。之不過，喺日本做女議員就唔同咁講法，因為佢哋居然都會受到性騷擾，而且比率仲唔低添。早前一個叫「47NEWS」嘅網站就職場性騷擾嘅問題，訪問咗143位來自日本全國縣議會嘅女議員，受訪嘅女議員當中，有74位表示曾經受過性騷擾，比率高達百分之五十二，更加有13名女議員表示受性騷擾次數多到數唔清，結果都幾驚人。咁邊個咁膽生毛，連女議員都夠膽性騷擾？原來當中有部分係男議員，亦有部分係議會事務職員。有冇搞錯呀！參與議會事務應該係一份光榮，亦應該專心為人民福祉努力，做乜仲有閒情性騷擾人呀？離譜！
有謂「男人一滴精等於十滴血」，故相當寶貴，勸戒年輕男兒切忌縱慾過度，搞壞身體。當然，性事頻繁，一日洩射幾次梗係會腎虧啦，但係做愛次數足夠卻有養生功效。早前美國北卡羅萊納州嘅杜克大學就進行過研究指出，男人每年平均獲得200次高潮的話，對身體有相當好處，甚至會令人年輕6年，點解會咁呢？首先係高潮能夠增加血液含氧量同促進血液循環，令肌膚光滑又有彈性。做愛過程當中可以令大腦分泌出苯乙胺（Phenethylamine），有助抑制食欲甚至煙癮，另外體內嘅免疫球蛋白A（lgA）水平亦會上升，增加身體免疫力，人都長壽啲。男人每月平均洩射21次，亦會減低百分之三十三嘅前列腺癌風險。雖然男人「勤力」有益，但係都要顧住身子，上述嘅數字只係平均數，唔好勉強自己呀！
撰文：賢