唔少性學家稱如果曳曳時播放音樂，可以令男女進行床戰時更能投入其中，之不過澳洲悉尼大學嘅研究人員發現事實並非如此。事關經過佢哋研究後，只有女性會對音樂產生反應，從而令佢哋更快進入性愛狀態之中。其實音樂同性愛係咪真係有關係呢？不如問吓美國四仔界中，出名鍾意搖滾音樂嘅脫星Scarlet Red點睇啦！
Q：據知你係個超級搖滾音樂迷，咁喺你曳曳時會唔會播放呢類音樂？同埋邊聽音樂邊交歡會否令你更快投入性愛之中？
Scarlet：我的確係個搖滾音樂迷，每當我返到屋企時，都會打開音響勁播音樂。當然，如果可以喺曳曳時播放嘅話，梗係可以令我好快投入性愛之中。點解會咁呢？因為我每當聽到強勁又激烈嘅節拍時，身體總會情不自控地擺動，心理同生理亦會隨之而激動起嚟，配合埋男伴嘅挑逗，自然好快令我慾火爆發。不過點解我會話「如果」呢？首先，唔係每個男人都鍾意呢種音樂，所以對佢哋嚟講可能係一種噪音，與其係咁，不如唔播好過。其次嘅係，每個人嘅品味都唔同，男伴可能最愛交響樂，到時縱然對方聽到慾火焚身，但係我就未必識得欣賞，可能最後會因此而導致大家不歡而散添！
Q：換個角度嚟睇，如果男女雙方都鍾意搖滾樂，或有其他種類嘅音樂佢哋都鍾意嘅話，係咪可以撩起雙方嘅情慾呢？
Scarlet：我覺得可能有咁嘅效果都未定，只係以我個人經驗，相對音樂，男人始終鍾意聽女伴嘅叫床聲多啲，故此佢哋情願閂咗個喇叭，靜靜咁聽女方嘅淫聲浪語好過。咁係咪冇音樂會仲好呢？咁又唔一定喎，我覺得音樂有助培養情緒，同埋鬆弛神經嘅作用，幫助男女雙方進入情慾嘅世界。舉個例，男女放工返到屋企已經相當疲憊，呢個時候兩人可以坐低聽音樂輕鬆一下，自然有助大家進入情慾空間，燃起慾火。不過我要補充一點，就係如果有個唔鍾意搖滾樂嘅男士，佢願意喺性愛中以呢種音樂作為配樂嘅話，我唔單止會零舍興奮，仲會非常感動添！
撰文：魂