安全嘅性行為固然重要，尤其係男女床上銷魂，備有一套可以話係人人皆知嘅事，只係點解現實中仍然有唔少男女往往忽略呢個咁重要嘅一環呢？美國脫星Allie Haze認為箇中原因，係因為大家好多時會唔記得，又或者係懶得拎，結果就忽略咗呢個部分，而阿妹就係其中一個例子。
Q：美國部分地方規定四仔業界，必定要喺戴有安全套嘅情況下，先至可以拍床戲，因而引嚟唔少回響，唔知阿妹點睇呢？
Allie：安全嘅性行為係好重要，尤其係有唔少人視四仔作為性啟蒙嘅一部分，故此我哋便應有責任宣揚安全性行為。當然，從我個人角度嚟睇，性行為確係以安全為上，因為現今嘅男女好開放，相識冇耐就已經發生親密關係，所以喺咁嘅情況下，不論男女都應該好好咁保護自己，呢點先至係最重要，萬一有乜嘢事發生時，最後都要由自己負責。如果從業界嘅角度嚟睇，我亦明白點解回響會咁大，因為有部分業界人士覺得自己已經做好健康檢查，點解仲要做多餘嘅嘢，認為咁會影響到四仔嘅觀賞性。
Q：其實安全性行為嘅觀念已推廣咗好耐，只係有調查發現唔少男女喺過程中，仍然唔戴安全套，點解會咁呢？
Allie：我認為出現咁嘅情況原因有兩個，第一係因為玩得太開心而唔記得咗。可能大家會認為，曳曳時點會唔記得戴安全套呢？事實正係如此。就以我自己為例，情到濃時，加上飲咗幾杯酒，喺曳曳時不知不覺進入正題，呢個時候先至醒起唔記得戴安全套，我就心諗反正已經入咗正題，倒不如繼續落去。但我知道咁做係好危險，好易搞出人命，所以大家必須要做足安全措施。第二個原因係懶惰，有時明知應該戴番個套，卻因為放咗比較遠嘅地方，或者懶得起身拎，便決定繼續落去。須知道一個轉身，成件事嘅感覺都會唔同咗，不如把握時機好好享受。我慶幸未有事發生，否則後悔莫及。
撰文：魂