盛夏落幕妖艷繼續HOT!

秋意漸濃,天氣愈見清涼,朝早返工有時都會着件外套先好落街。香港天氣轉涼,但係日本嘅天氣就異常炎熱,唔係因為當地天氣反常,而係一班火辣AV女優舉行熱力十足,睇到心都郁嘅聚會,名為「真夏之妖艷會」。

女優雲集

秋高氣爽,最適合就係行山登高,不過喺日本,眾多男士就唔行山都一樣可以相當高(High),因為喺8月尾就舉行咗一個雲集AV界眾多一級女優嘅大型聚餐活動,呢個就係「真夏之妖艷會」喇。妖艷會今年係第二次舉行,由AV名廠ORGA聯合其他3間小型AV廠協辦。呢個聚會叫得做妖艷,出席嘅女優當然魅力非凡,妖媚萬千且艷壓群芳啦!今次一共有24位女優登場,當中大部分係極品美熟女,最出名嘅就一定係北条麻妃以及其好姊妹川上由,較為年輕嘅實力派女優仲有大家相當熟悉嘅波多野結衣、水城奈緒、神波多一花,以及只要有AV界人士參與都幾乎可以發現其蹤影嘅潮吹小天后大槻響,女優陣容認真勁到無倫!

熱烈歌舞

妖艷會喺東京澀谷區嘅惠比壽Act廣場分兩場舉行,每場入場費每位一萬八千日圓,折合港紙為一千一百幾蚊,好似貴咗少少喎!一般女優聚會好似最多都係收二、三千日圓,即係兩百蚊港紙左右,點解呢個會咁貴(口架)?唔貴啦!物有所值,對我嚟講更加係超值添呀!喺妖艷會一次過可以見到咁多一級女優唔在講,仲有好多精彩環節,當中包括一系列女優表演勁歌熱舞,好似萌味同青春活力拍得住新人王天使萌嘅君戶步美,仲換埋校服又歌又舞,仲有王牌級熟女白木優子唱潮版演歌等。另外,表演仲包括眾多女優上台行天台秀,上到舞台之後逐個逐個除剩內衣,再騷首弄姿,單係見到北条麻紀一派騷到入骨嘅演出就足以令人血氣下湧啦!

食住影相

除咗有表演睇,叫得做聚會當然唔少得美味佳餚啦。當日總數一百名嘅來賓,都可以享用以自助餐形式源源不絕供應嘅各式食物,從官方提供嘅相片可以見到呢餐自助餐都幾好餸,雖然來賓唔可以坐喺女優身邊,大家談住心嚟食,相當豐富菜式亦滿足到佢哋嘅需要。另外,聚會亦包括一系列攝影會同握手會,喺司儀春原未來嘅安排下,女優們逐批出場同來賓打招呼,以及擺好陣勢畀佢哋影相,然後握手又簽名。當日除咗有飲有食同影相外,仲有抽獎,女優們各自送出私人物品畀眾多幸運兒,好似大槻響咁就送出自己嘅底褲兼且作親筆簽名,拎上拍賣網站放售,分分鐘賺到今次嘅費用有凸呀!

撰文:賢