咪以為日本嘅「一般向」（即係冇年齡限制）漫畫競爭激烈，其實十八禁嘅成人漫畫界同樣講求適者生存，如果作品只係一味賣弄情慾場面嘅話，好快就會畀漫畫迷嫌棄。因此，出道超過22年嘅成人漫畫家艷艷，其最新作品《日落的Pathos》絕對有收藏價值。
咪睇艷艷個筆名咁女性化，查實佢係個男人，仲要係成人漫畫公司Studio Sitomi嘅董事兼社長。可能有人覺得所謂社長係佢自己編出嚟，只係睇番佢出道經歷同名作如雲，就知道佢有咁嘅實力。早喺1993年8月以筆名廣瀨良多、並推出成漫處女作《Yuri老師的育白書！！》嘅佢，馬上吸引到成漫迷嘅目光。雖然佢嘅畫風偏向隨意性，但憑住呢種不加修飾嘅風格，加上出色嘅故事表述及畫面處理手法，成為當時冒起得最快嘅新進成漫家。其後推出嘅《鷹月副教授的淫靡日常》、《裸體的戒指》、《家政婦的美津子》等人氣作品，奠定佢擅繪熟女題材成漫家嘅地位，作品更先後被製成動畫，足見其實力非凡，難怪佢嘅最新連續成漫作品《日落的Pathos》，同樣備受注目。
正如先前所講，擅長以熟女為題材嘅佢，新作同樣以熟女為題材。故事講述居住喺東京一棟宿舍、任職漫畫助理男主角藤原秋，本嚟隔籬單位已經丟空好耐，點知有日搬嚟一個新鄰居，而對方竟然係以前教過佢嘅導師仲井間真。作為成漫嘅女主角，呢位熟女唔單止個樣夠正，身材更係玲瓏浮凸，尤其係一對巨乳養眼度極高。一直視仲井為戀愛對象嘅藤原，決心同對方發展成情侶關係，卻估唔到原來仲間早已有男友之餘，入住當晚就同男友激戰連場。須知道藤原所住嘅宿舍隔音非常差，激烈嘅叫床聲搞到藤原心如鹿撞，加上失戀嘅刺激，令佢去到將近崩潰嘅邊緣。呢個時候佢嘅熟女同事祐生真突然嚟到，話想借佢浴室沖涼，結果梗係一發不可收拾。由於係漫畫嘅第一期關係，故此未知藤原嘅情路會點發展，只係憑住出色嘅劇情，已令人有追睇落去嘅衝動。
作 者：艷艷
出 版：秋田書店
頁 數：206頁
撰文：魂