家陣夜場囡囡想搵銀，真係少啲頭腦都唔得，唔好睇得咁遠要帶領潮流，起碼要緊貼潮流先至唔會被時代淘汰。好似有囡囡就推出假日前夕優惠，以折扣價吸引玩家捧場，亦有內地性服務工作者以流動伺服器避免有關方面偵查，而日本出現針對老人市場嘅風俗店，講到底都係為咗搵銀啫！
假日前夕係咪會少啲玩家去搵食？如果唔係嘅話，點解有樓上舖囡囡會推出中秋前夕折扣優惠呢？話說深水埗有囡囡報稱為咗回饋熟客，同埋慶祝中秋節，推出假日前夕優惠，但凡每位到場玩家都可以以正價8折，享有同平日一樣嘅服務。如果按佢咁計嘅話，咁咪即係原價500蚊嘅套餐服務，家陣只係420蚊就得！計落條數幾吸引喎！雖然唔知道市場反應如何，但可以肯定嘅係呢招一出已經起到先聲奪人之效，皆因試問有幾可聽到有樓上舖會有咁嘅推廣活動先？睇嚟如果想喺芸芸囡囡中突圍而出，真係要諗諗有乜噱頭至得。
常言道「橋唔怕舊」，最重要就係條橋掂就得，好似台灣高雄有間以會館為名，實質係提供即場服務嘅半套店。呢間位於高雄名為「秘密基地精品會館」，一直以嚟以會員俱樂部作為包裝，店內嘅裝修設計搞到好似酒吧一樣，唔知嘅話會以為係一間私人會所。玩家入到去後，就有人問長問短探口風，睇吓係乜嘢來歷。當得悉對方係熟客介紹後，就會帶佢去有「服務」嘅包廂中揀女。收費方面係以50分鐘為一節，每節收費為1,500台幣（約375港元），如果想享受半套服務嘅話，則要另加2,000台幣（約500港元）。不過出名嘅代價自然被人查獲，發現佢哋提供色情服務之餘，原來仲係無牌賣酒。
須知道由於內地嚴打關係，故此有一段時間唔少玩家都會用手機聊天App嚟搵女。不過早前內地有關方面表示，將會加大力度打擊呢類型嘅色情服務。正所謂「你有張良計，佢有過牆梯」，有人就諗到利用流動伺服器嚟作為反偵查嘅工具，等有關方面搵唔到訊息嘅來源。乜嘢叫做流動伺服器呢？原來呢個伺服器安裝喺車上，而車輛透過不斷移動並改變發射站訊號，咁就好難搵到佢哋嘅所在地。聽落呢個方法好似萬無一失，事實上仍然被有關方面偵查得到，結果一網成擒！
喺好多人眼中，日本嘅玩家主要以中年男士為主，而事實上呢個年齡層亦係日本風俗店嘅主攻對象。不過隨住日本人口老化，年長男士不但成為風俗店嘅新興潛力市場，甚至有風俗店專門服務60歲或以上男士添！有間位於九州福岡嘅出張風俗店，就打正旗號招呼男長者，對於後生仔佢哋恕不招待。至於風俗孃年紀方面，咪以為佢哋都係一班中女，當中有唔少係年輕少女。點解班後生女樂意提供服務呢？據部分年輕風俗孃表示，由於男長者進入作戰狀態嘅時間較慢，故此好多時都要加鐘，無形中佢哋咪搵多啲錢囉！
撰文：魂