情趣用品係男女恩物，定係情侶調情玩具？而喺彼峽嘅台灣，佢哋嘅情趣用品文化又同我哋係咪一樣呢？今次搵嚟台灣著名AV達人一劍浣春秋同大家講吓當地嘅成人用品文化，同時介紹台北兩間各具特色嘅成人玩具店，第日巴絲打去買玩具就識得窿路啦！
如果有留意開AV評論文章嘅話，都會聽過嚟自台灣的AV達人、筆名一劍浣春秋的名字（下稱劍大），事實上，佢喺AV評論界相當有名氣。除咗評論AV之外，佢同兩位合夥人開設網上情趣用品店「Play No.1玩樂商店街」，從日本搵嚟AV片商及經理人公司授權產品，例如J杯、女優簽名寫真卡、正版AV等，並且搜羅各式各樣好玩又過癮嘅情趣用品。
劍大表示，由於網店係做代理關係，故此喺來貨價上往往缺乏彈性，當然更重要嘅係面對翻版同埋山寨貨嘅問題，惟有靠自身嘅口碑作招徠。至於台灣人點睇情趣用品呢？劍大指成年人偏向保守，但又想試吓刺激，所以網店獨有嘅私隱性就可以滿足到佢哋。反而年輕一代觀念比較開放，容易接受並成為同儕間嘅話題，甚至年輕情侶間亦會討論吓邊種情趣用品比較好玩添。
網址：www.playno1mall.com
雖然家陣唔少電視同電腦都有推出3D屏幕，但必須要佩戴3D眼鏡的確唔係咁方便。劍大就為大家推介呢部名為「Liquid 3D」嘅裸眼3D遊戲筆電，內置高性能CPU及顯示卡，可應付大部分嘅電腦遊戲，內置嘅「Face Tracking」臉部追蹤技術，透過筆電嘅鏡頭計算用家雙眼及嘴部位置，從而輸出高質立體影像，最重要係無論影片本身係咪3D，都能呈現出立體效果，不論睇電影或AV，都令人睇得更加投入啦！
呢個世界有一半係女人，情趣用品又點能夠忽視女人嘅市場呢？呢間位於台北長安東路嘅「阿性情趣」，以女性為主要銷售對象，入到店後，大家會發現店內充滿浪漫氣氛，店長Amo表示，目的係希望顧客可以喺舒服及寧靜嘅環境下選購合適產品，更設有梳化讓客人坐低慢慢揀。Amo謂每晚9時至11時人流最多，客人年齡由18至60歲都有。問到相比網店優勢時，Amo話實體店優勝嘅地方在於現場有專人提供即時諮詢服務，又或係聽完客人嘅要求後可即時提供意見。Amo話佢哋亦設有網店，但好多時客人都會專程嚟到店舖睇過產品後，先至決定上網購買與否。
地址：台北市中山區長安東路一段45-1號
網址：www.homematch.com.tw
須知道實體店最大嘅成本在於舖租，而呢間位於台北旺區西門町紅樓旁嘅「壞男愛世界」，能夠游刃有餘就知佢嘅市場策略必有獨到之處。呢間以男士為客人對象嘅情趣用品店，唔單止佔有地利優勢，更善於利用Facebook同特定購買群進行聯繫及推廣產品資訊，從而鞏固顧客群。此外，會不定期舉辦推廣活動，以帶嚟更大嘅宣傳效果。店內除咗銷售各種男士專用嘅情趣用品外，另一個特色係售買男士服飾，更有自家設計品牌，店員小宇表示，希望可以提供更多選擇及款式畀顧客，方便佢哋找到心頭好。
地址：台北市萬華區成都路10巷3號
網址：www.bad.tw
特派記者：魂