美少女、異世界加戀愛呢3個元素，可以話係日本成人遊戲歷久常新嘅題材。不過如果想從呢種「老套」嘅題材中突圍而出，冇番一啲新意真係好難做到，而由日本遊戲商GLace所推出嘅《天空Retrospect》就向呢個高難度題材挑戰。故事講述10年前由天星鎮同空見鎮合併而成嘅天之空市，一直有個傳說，就係乘搭當地燈塔嘅電梯時，以一定順序按下電梯按鈕，就會去到神秘嘅異世界。男主角藤堂樒決定同老友大空一齊去探險，順次序按下按鈕後，真係去咗異世界，並且邂逅一位神秘嘅沉睡美少女。呢位美少女要佢哋兩人做一件事，必須要完成後才能夠返屋企，只係呢件事究竟係乜嘢呢？作為成人遊戲，唔通同曳曳有關？