接連有男女喺公共交通工具及天台被人拍到進行激情行為，片段仲被瘋傳一時。其實就算唔係畀人拍，唔少男女都鍾意自拍激情照片同影片，AV女優霞果穗就表示自拍可以增加情趣，但係就一定唔可以影到個樣喎。
Q：家陣個個人都有智能手機拍片又影相，要玩自拍激情片相當容易，你覺得點呢？
霞果穗：其實喺同伴侶纏綿期間自拍都幾好玩，因為大家當時情緒高漲，好可能會做出好多自己估計唔到嘅動作，影完事後重溫一下都會覺得好得意，趁機會了解一下自己骨子裏到底係一個點樣嘅人。我覺得自拍嘅好處係增加大家嘅情趣，同伴侶得閒睇番自拍相片又可以多啲話題，彼此之間關係變得更加親密。另一個好處就係下次如果又有需要，可以隨時向對方出示以前嘅自拍照，再打個眼色，咁就唔使多講說話就可以示意想再重溫當日嘅快感喇。呢個方法好處除咗唔使多講話引起尷尬之外，有時男女之間想做愛嘅時候，重睇激情自拍勾起回憶，自然可以誘發對方嘅慾火啦，除非男方或女方身材極差，連激情照都引唔起佢性趣啦。
Q：咁你又會唔會玩激情自拍？有咩要注意呢？
霞果穗：每個人都有自戀傾向，大家睇吓面書上面咁多人玩自拍就知啦。佢哋不論係去玩去食，都會同周邊嘅人與物自拍，然後將相片上載，無非都係為咗話畀大家知自己有幾巴閉，只要愈多人畀Like佢哋就會愈開心，滿足晒自我優越感，同伴侶做愛期間自拍，所來自嘅心態亦都係差不多。好多男人都自覺好勁，故希望自拍紀念雄風勃發嘅樣子，如果我伴侶都係咁做的話，我都唔會反對嘅，之不過就一定要佢只係影個身而唔影個頭囉。其中一個重要原因係怕意外流出，大家相信都睇過唔少呢類照片啦，雖然我信任對方，但係都唔想畀其他人見到晒自己全相，費事自找麻煩啦。另一個原因係，見唔到個樣大家都有更大嘅幻想空間，睇吓對方認唔認得我副身材都好。
撰文：賢