Angela Aspen喺美國曾經好紅o架，09年出道嗰陣，只要你輸入Angela就會彈出Aspen，又難怪嘅，阿妹拍過咁多四仔，唔Search佢先怪。阿妹咁砌得，當然賺落好多啦，上年佢就冇再喺色情工作上出現過喇！當大家都以為34歲中女Angela過住幸福快樂嘅退休生活，有猛男相伴，有仔有女，仲有靚架生時，點知早前Angela失驚無神蒲頭接受新聞網站訪問，喊晒口話生命無Take Two，四仔生涯毁佢一生喎！阿妹喺訪問中自爆：「我冇真心朋友，冇自己家庭，除咗錢同酒精就乜都冇！」阿妹愈講愈激動，話自己獨守空房好孤獨，因為拍鹹片同鹹相而令佢人生改變。阿妹話每晚都瞓唔到，曾試過酗酒及濫藥去麻醉自己，可惜愈墮落愈不快樂。佢更提到入行做脫星原因，原來喺入行前幾個月，佢相約網友聚會時被人侵犯，事後阿妹覺得自己好污穢，於是決定投身色情行業。唔知Angela嘅悲慘係咪來自不能磨滅嘅過去呢？