所謂時也命也運也，好似小弟咁又肥又靚仔，但係尋尋覓覓多年都係搵唔到一個穩定又交心嘅拍拖對象，但係事有湊巧，其實世界上又有好多靚女係敗犬，喺日本話當中嘅意思即係年過三十仍未結婚嘅女性，池田夏希過兩年就到30歲，佢就表示一定唔可以做敗犬喎！
雖然話近代嘅日本女仔發育得愈來愈好，大家大可以從水着界當中搵到剛好成年但係身材生得非常豐滿，上圍拍得住歐美女仔嘅年輕派女優。之不過，佢哋極其量只係豐滿，未必談得上擁有一流身材，原因係佢哋一般都生得唔高，平均約為5呎2吋。然而，當中卻總有出類拔萃，高挑、豐滿，而且仲生得一副迷人面孔嘅極品女優，池田夏希就係其中之一喇。從某一個角度去睇，夏希個樣有少少似上一代水着女王熊田曜子，大家都一樣有妖媚特質，但係夏希個樣就比較年輕，女人味亦較出眾，左邊嘴角上仲有一粒美人痣突出姣味，兩個之中小弟就比較鍾意夏希喇。另一方面，夏希同曜子都咁好波，大家上圍都有F-Cup，而夏希又勝一籌嘅地方在於身高5呎7吋，比曜子更高挑誘人，單靠一雙長腿就已經令班水着迷投晒降。
池田夏希喺2000年出道嘅時候，係用自己嘅真名大森美希做模特兒，到2008年至改用現時呢個藝名向不同界別發展事業。池田夏希憑驕人美貌以及接近完美嘅誘人胴體，當然喺寫真界吃得開，近期佢就多數以一雙修長美腿作為寫真作品嘅賣點，明確就係睇中現時高挑美人唔多，希望以此突圍而出。之不過，比起專屬一間事務所嘅其他女優，好似熊田曜子以及安田美沙子，夏希縱有極品身材，人氣總算比較低，知名搞笑男演員有吉弘行就喺其節目《倫敦Heart》當中話過夏希星運欠佳，而夏希都表示希望可以轉運仲想以壇蜜作為目標，而有吉弘行就話壇蜜初出道嘅時候抱住即使要拍AV都要成名嘅決心，希望夏希可以此為學習方向。另一方面，夏希喺6月生日，搞生日聚會嘅時候就有少少失落，因為身邊嘅朋友個個都嫁到好老公兼生埋仔，故夏希其中一個生日願望就係喺30歲前嫁出，唔使做敗犬，睇嚟我哋要過去幫幫佢喎。
近期池田夏希專心為舞台劇《志村魂》演出，從其博客可以見到不時為幕後花絮留影，當中仲見到佢同已引退嘅AV天后麻美由真一齊合作添。
網址：http://ameblo.jp/natsuki-ikeda-0624/
年齡：28歲
身高：5呎7吋
三圍：35F-24-34
撰文：賢