型男吸血鬼真係咁吸引？唔單止唔少電影以佢為題材，就連十八禁遊戲亦以佢作為創作主題，而日本成人遊戲商Onomatope*推出嘅《吸血姬的Libra》就係其中一個。呢個以型男吸血鬼為故事中心嘅作品，玩家既要控制男主角點樣搵索女曳曳，又要努力擊退想捉佢嘅人。故事講述平凡男主角草薙柊真，無意間發現自己竟有吸血鬼嘅血統，更驚聞其父親竟然係吸血鬼分支安布羅謝家嘅當家，最麻煩嘅係佢特殊嘅家族血統，竟然畀美少女伊麗絲睇中，要求快啲吸佢嘅血，更搵嚟一班美少女隨從色誘佢。與此同時，自細同柊真感情相當好嘅女僕瑪麗緹瑪‧梅露科爾米亞，不但真身為狼人，更暗戀咗佢好耐。感情糾結嘅同時，仲要面對宗教組織所派出嚟嘅美少女追殺，真係好頭痕呀！