異性相吸，去到海灘男人可能會留意女仔嘅上圍，至於女仔則比較留意男人嘅三角地帶喎。巴西足球員好波就大家都知，而佢哋嘅女仔亦相當好波，屁股同樣豐滿誘人，早前一班巴西索女仲上街宣傳股后選美比賽添。現代夫妻好多都係「無飯」，原來英國更加有唔少人同配偶幾乎成為無性夫妻。
雖然過咗立秋，而中秋節亦離我哋不遠，不過喺香港生活嘅朋友都知道，未到11月天氣都唔會完全轉涼。然而我愛夏日長，天氣夠熱先方便我哋一眾麻甩佬約女仔去游水，趁機欣賞一下佢嘅身材，就算對方身材麻麻，去到海灘都唔使慌冇女仔睇啦。但係，我哋去游水如果係着泳褲就要小心喇！因為好多女仔都鍾意喺呢個時候留意我哋嘅三角地帶，不過唔係「觀鳥」喎！日本一個夏日游泳相關嘅調查發現，受訪嘅女仔去到海灘或水上樂園嘅時候，最留意係男仔嘅泳褲！其次就係肚腩以及胸肌，原因唔係女仔想了解佢嘅架生大細，而係睇吓男仔條泳褲到底老唔老土。至於同樣嘅問題落到男仔身上，亦係最多人表示留意女仔泳衣嘅三角地帶，不過就唔係想睇吓款式是否新穎，而係想睇吓個女仔有冇露毛。
巴西有足球王國之稱，多年來出過好多球王級巨星，比利、朗拿度、李華度、朗拿甸奴、卡卡等等都腳法出神入化。巴西嘉年華一樣咁出名，原因除咗係熱鬧，仲有一班身材火辣且舞姿誘人，能夠快速扭動豐滿臀部嘅森巴女郎。咁多巴西美人都係靚股一族，梗係要搞個選美比賽，選個股后出嚟表揚一下啦。喺8月頭，股后選美大賽「Miss Bumbum Brasil」正式展開宣傳，大會特別請嚟27個代表巴西不同州份參賽嘅靚股佳麗，去到聖保羅街頭進行大規模宣傳。當日，一眾佳麗身穿比堅尼一展美好身段，為令大家欣賞到靚股，條褲仔仲有咁窄得咁窄，只係差條罅就可以睇晒，搞到街上嘅市民個個都熱血沸騰！比賽將會喺11月9日上演，到時就可以睇到班佳麗靠股奪標喇。
有唔少調查指出，香港夫妻嘅行房次數少，且性生活質素欠佳，其實咁都冇辦法，喺香港生活壓力咁大，男女雙方都工作繁忙，體力透支過度梗係連愛都唔想做啦。事實上，唔單只係香港人，英國人嘅行房次數都唔算多。英國早前有調查訪問咗六千名已婚男女，當中居然有百分之五十一喺過去一個月完全冇同伴侶上過床！無性比率認真高！負責調查嘅性心理學專家Cate Campbell表示，英國夫妻鮮有房事可能係同壓力有關，唔係話佢哋工作壓力太大影響性趣，而係覺得要令房事變得愉快同驚喜有困難而產生心理壓力喎。專家就話呢種壓力其實能夠透過溝通解決，大家可以坐低傾一傾有乜性幻想，然後再加以實現盡量滿足對方，咁樣自然可以令性生活變得有趣同愉快喇。
撰文：賢