男人最關心嘅事不外乎事業、金錢同女人，而佢哋嘅煩惱亦係因為呢三樣嘢而產生。好似最近日本有調查發現，貧乳女士嘅受歡迎程度竟然係零，呢層真係估佢唔到；而英國亦有調查發現，肥胖男士更得女士歡心。不過講到最令男士「痛心疾首」嘅，卻莫過於美國有位男士嘅兵器竟無端被剪短，試問有乜嘢及得上呢種男人最痛呢？
日本AV經常見到貧乳女優嘅身影，而唔少風俗店亦以貧乳作為招徠，只係有調查卻發現，喺現實中貧乳女性嘅受歡迎程度竟然係零。呢個由日本美容外科組織所進行嘅調查，訪問咗一批20至50歲嘅男士，而結果受訪男士中有過半數表示最鍾意D罩杯嘅女性，而第二及第三位分別係C同埋E罩杯，至於A罩杯嘅受歡迎度則係零。此外，問卷仲發現男士嘅第一眼會留意女性嘅樣貌，跟住係胸部，跟住落嚟至係衣着，因此佢哋稱男士始終注意女士嘅外形。不過呢種調查嘅中立性真係值得商榷，先撇除發起調查嘅單位立場，單係睇AV有咁多貧乳人氣女優，就知道佢哋嘅受歡迎程度又點止得零呀！
經常見到肥胖男士被人嘲笑同揶揄嘅新聞，其實取笑佢哋嘅人可能係出自妒忌佢哋受女性歡迎，先至有咁嘅舉動，點解咁講呢？話說英國最近有項訪問咗2,544名年滿18歲以上女士嘅研究，調查佢哋心目中最愛情人嘅類型，結果發現有三成八嘅英女表示，最愛同身材圓碌碌嘅胖男上床，而原因係呢類型嘅男士，相對型男同大隻佬嚟講，更識得體貼女性，並且愛女性多過愛自己。至於大隻佬同高佬則分別為排第二名嘅兩成一及第三名嘅一成三。從呢個調查可以發現，如果同胖男一齊落酒吧溝女嚟個ONS嘅話，佢哋分分鐘比一般人有更大嘅機會，唔知大家有冇諗過要增磅呢？
試問有邊個男人唔希望自己嘅兵器雄赳赳呢？因此美國佛羅里達州有位55歲男士諗住去醫院，進行陰莖增大手術幫兵器升呢，點知升呢不成更因此而變得長度唔夠3厘米！呢位黑仔男本嚟被安排入院，由醫生Nery Carvajal Gonzalez進行手術，點知後嚟卻由一位60歲醫生Mark Schreiber操刀。手術過後，男士發現兵器非但冇長到，反而被縮短僅得2.45厘米長，而且仲狂流血兼痛到標淚。黑仔男決定將醫生告上法庭，卻估唔到操刀醫生竟早喺2008年就被吊銷醫生執照，而原本安排做手術嘅醫生Nery亦被懷疑無牌行醫。換言之，即係邊個操刀，黑仔男嘅兵器同樣危危乎，名副其實是福不是禍，是禍躲不過。
撰文：魂