喺傳統觀念中，男性會比女性嚟得主動及富冒險精神，但有外國網站曾對3,100名已婚男女，進行關於性生活嘅調查，結果發現喺受訪嘅1,369名女士中，有八成九表示樂意為咗提升性趣，選擇更刺激嘅玩法及嘗試唔同嘅情趣玩具，人數相對男士嚟講更加多！莫非男士講就講得勇同勁，實際上卻趨於保守？就睇吓美國脫星Britney Amber點講。
Q：以你豐富嘅床上經驗所得，男士喺床上係唔係比女士嚟得保守，亦唔係咁願意使用情趣玩具？
Britney：我嘅床上經驗確係相當豐富，撇除工作上嘅男女關係外，私底下嘅我亦曾經同過唔少男士交歡。從我多年嚟嘅觀察所得，男士確係比女性喺性愛上嚟得保守，或者應該咁講，佢哋係唔會花太多心思喺曳曳上。有人可能唔認同，覺得男士好鍾意試新嘢，又鍾意喺床上試新招式，因此會質疑我嘅說話。其實男士開始嘅時候係鬼主意好多，亦會試吓玩唔同嘅嘢，只係呢種熱情好快就會退去。佢就會變得好似喺度交功課咁，呢個時候仲叫佢試新嘢真係好難。至於女性方面，佢哋會花多啲心思喺上面，希望可以令性生活變得更加刺激，而呢點可能係同女性樂於投放更多精神，喺建立一段感情上有關。
Q：按你咁講，即係現今嘅女性會喺床上更加主動？而從另一個角度嚟睇，女性唔會選擇乏味嘅男士做男友？
Britney：隨住性觀念嘅改變，女性喺性愛問題上已有所醒覺，唔再以被動嘅角色出現，更會樂於主動追求自身嘅快感，因此先至會產生女性更樂於試一啲新推出嘅情趣玩具。至於第二個問題，我卻唔係咁睇，因為性格乏味嘅男士始終有佢嘅吸引力，只係如果將問題收窄到性生活，真係好難選擇佢哋做男友。理由有兩個，首先係每次都係千篇一律嘅玩法，感覺相當沉悶，而每次都由女性諗新刺激，呢種關係會令人覺得有好重嘅負擔。其次則係遇到呢啲男士時，女士總會不期然喺度諗，究竟係咪自己自作多情呢？否則點解佢好似唔想付出咁嘅？當呢個問題出現後，即係宣告呢段關係已經出現暗湧。
撰文：魂