做人最緊要有實力，只有真材實料先可以令各界心服口服！咁四仔界有邊位囡囡你認為有實力得嚟，又受人尊敬呢？睇怕只得Chanel Preston一個，呢位一姐無架子又瞓身演出，早前佢被邀請擔任演講嘉賓，成千上萬脫星得佢一個有資格，你話係咪威水先？照咁講，年底頒獎禮嘅最佳脫星好大機會係佢攞！
今時今日要喺四仔界立足，真係唔係靠把口就得，好多所謂一姐上咗「神枱」後，講就無敵，做就有心冇力，結果未出街先被網民笑爆，而當事人事後當無事發生，以為可以淡化醜事，結果令粉絲失望，網民火滾，嚴重影響形象及公信力，例如所謂「演而優則導」，阿妹喺床上的確砌得，但手執導演筒卻又係另一回事！當然除咗Chanel Preston之外啦！喺今年初佢執導男女大戰及女同四仔，結果口碑唔錯，奠定實力派導演地位。早前佢接受成人表演宣傳委員會之邀，上台分享脫星及導演生涯，足以證明阿妹喺業界嘅地位舉足輕重。至於演講內容就深到冇巴打想知，Chanel嘅重點係話，做人做事乜都好，佢會訂立5年計劃，只要喺限期內完成就算，絕不會強迫自己今年要達到乜目標，明年要點做，佢話咁樣做人先舒服，正如進身導演界，拍過戲唔代表一世要拍戲或將自己定型，拍吓又砌吓先至令佢有更多新靈感！
講真，Chanel嘅靈感同高潮一樣，5年來都從不間斷，至今佢肉搏過嘅男優多達200個。今年初佢拍住「老友」男神James Deen合作，喺對方嘅製作公司有個人執導系列《Chanel Movie One》，坦白講，以男神今時今日嘅江湖地位，邊使同人合作，依家佢仲要揼本畀Chanel妹定期拍片，足以證明連男神都極欣賞阿妹嘅才華及吸金能力！而Chanel最新作品《All In Your Head》將於9月見街，於James嘅網站有售。
以為咁就叫勤力？未算，Chanel除咗經營個人官網「chanelpreston.com」外，仲有個「Naked With Chanel」，呢個網站由Chanel主持，專門解決天下男女性愛奇難雜症，建立正確性態度，啟發更多性幻想，成立3年多一直未停過，報稱Chanel仲有親自撰文暢談性愛添！
你睇Chanel成功有道好風光，查實當年佢都受盡歧視呀！話說幾年前阿妹喺洛杉磯一間銀行有個商業戶口，點知入票時發現戶口被刪除，銀行經理好直接咁話因為佢經營色情網站兼且職業係脫星，所以要關閉佢戶口喎。不過阿妹冇將事件搞大，反而默默耕「淫」瞓身砌。小道消息指，今日Chanel已經係年賺近千萬港元嘅一姐脫星，話唔定身家過億，你估銀行有冇後悔失去呢個大客戶呢？
今年3月著名廣告攝影師Roger Kisby為展現色情演員情慾鏡頭外真實一面，親自操刀搵嚟25位男女脫星拍大頭照系列名為《Head》。Roger只用簡單「黑地」加燈光，直接正面拍攝男女面孔，事後絕不執相出街，當中大部分都係身經百戰靠真材實料，對業界有貢獻演員，Chanel Preston當然有份。而攝影師表示希望透過大頭照，除下外界對脫星嘅有色眼鏡！
撰文：祖