外表整潔予人良好印象，好似日本女仔就最怕男仔透點同露出胸毛喇。內地掃黃以正歪風，更嚴禁大型展覽活動中嫩模露胸，但今年嘅遊戲展一樣「好春光」，因為冇胸仲有美腿！所謂造物弄人，暗戀未必可以修成正果，但係調查就話暗戀可以令性生活質素上升！
所謂人靠衣裝，一個人嘅衣着打扮相當重要，女仔如果打扮到成個村姑咁，就算本身幾索都好，男仔都未必會嗒糖。相反，適當打扮，又或者稍稍露一露胸溝，落到酒吧就分分鐘要請保鏢保護喇！同樣地，男仔嘅打扮亦好重要，如果大家想趁日圓低水去日本旅行，順便結識當地女性，就請大家留意留意。早前，日本一個調查邀請到200名20歲至29歲嘅女仔協助，問佢哋最討厭男仔點樣着衫，得到最討厭衣着冠軍嘅就係透視乳頭嘅恤衫，所佔嘅百分率接近七成咁高，睇嚟日本女仔的確唔係咁鍾意男仔呢種咁姣嘅打扮！其次就係露出胸毛嘅衣着，之後就係恤衫入面着住花綠綠嘅底衫，大家去日本就切記喇。
最近內地政府雷厲風行進行打貪行動，對於普羅大眾相信係一個好消息。之不過，雷厲風行嘅仲有打胸行為，下令內地舉辦嘅車展等大型展覽活動，一眾出席協助宣傳嘅嫩模們衣着打扮要檢點，唔能夠好似之前咁有幾多露幾多，甚至着咗衫都幾乎好似冇着一樣，令展覽變到好似夜場咁春色無邊。所謂上有政策下有對策，當局唔畀露上圍咩！咁咪露下面一對玉腿囉！喺7月尾到8月頭一連三日舉行嘅中國上海遊戲展ChinaJoy 2015入面，青春美艷嘅遊戲女郎一如往年咁陣容鼎盛，打扮光鮮又迷人。依照當局呼籲，遊戲女郎的的確確冇大露胸溝，但係好多都着住熱褲迷你裙，一雙又一雙嘅玉腿迷惑觀眾，場面一樣咁誘人。
「閉起雙眼你最掛念誰，眼睛張開身邊竟是誰」呢句歌詞真係正中好多人嘅要害，原因係唔少人心目中都有一個終極結婚對象，只可惜一係相逢恨晚，一係造物弄人，大家即使相愛亦未必能夠結成佳偶，最後只係同一個自己雖然係愛但未到最愛嘅人結婚。其實就算唔係咁，一個人兩條心唔算多，好多人同最愛結咗婚亦會暗戀一下其他人，但係咁都無傷大雅，只要唔會將幻想化為行動就唔使驚啦，而且調查仲話有暗戀對象嘅人性生活質素仲會有所提升添！哥倫比亞大學一個研究當中就有此發現喇！研究搵來二百名擁有一段三年或以上穩定感情嘅女士協助，有七成表示自己同時有暗戀對象，而佢哋對自己性生活嘅質素評分則高過冇暗戀對象嘅女性。研究負責人有暗戀對象嘅女士比較注重打扮，而為咗彌補呢段暗戀嘅不足，對性更加主動進取，直接令性生活激情咗喎。
撰文：賢