女優拍AV嘅目的不論係為咗出名又好，為咗搵錢又好，通常都係自願性質，好少話畀人強迫拍片，不過最近就有女優表示自己係畀人呃去拍AV，而事件嘅女主角就一位叫做ゆいはん嘅寫真女郎。ゆいはん略有名氣，其網誌有超過1萬名追蹤者，拍嘅寫真屬於過激種類，即係寫真有露點之外，仲會玩好多猥褻行為，例外鮑魚擦事件、M字張腿等極之意淫嘅動作。據ゆいはん聲稱，其AV作品《ゆいはん AV初次亮相 界限極限的地方》係佢畀人呃咗去拍攝現場，然後喺對方軟硬兼施之下拍攝，為咗唔畀人知，仲全程戴上口罩演出，並且講明係一碟限定，令作品係出道作同時亦係引退作。之不過，好多AV迷都質疑呢位ゆいはん嘅說法都係吹水居多，一來出晒全名大家都知你係邊個，又做乜要戴口罩咁多餘，二來AV廠都怕畀人告，邊會呃人咁大膽，所以大家都估計ゆいはん係同AV廠夾埋製造噱頭銷售作品居多。