雖然古往今來嘅打工仔，每日都係死做爛做兼要識睇風頭，但係都要與時並進先至可以有出頭日，否則縱然你幾咁肯做又醒目，都難以成功。其實莫講話打工仔，就算夜遊業亦係如此，如果唔識得跟住大勢走，同樣好難喺呢個世界度生存。
醒目嘅消費者都識得貨比三家嘅道理，而隨住互聯網生活化，唔少人更會喺網上睇埋大家嘅評語先至決定消唔消費，否則玩家嘅網上「包膠」又點會咁多人睇呢？正因為咁樣，所以家陣唔少「包膠」都唔多唔少有廣告成分。可能有人覺得值得推介又有乜錯，點解話人哋係廣告呀？嗱！大家都係有智慧嘅生物，點都識得分推介同廣告啩？好似話有玩家「包膠」指「囡囡不知幾咁鑽得，龍鑽之後忍唔住同佢打番個茄輪獎勵佢」，老實講，除非係有特殊癖好，否則點會同個龍鑽完自己嘅囡囡激吻呢？呢類評語雖然相當有閱讀性同香艷度，但係講到評論卻未免浮誇到惹人懷疑囉！
唔少打工仔都希望有本搵食秘笈，做起嘢上嚟自然順風順水，只係大家有冇諗過應召女郎都有「應召守則」？話說台灣中部有燈頭為咗教囡囡路，等佢哋面對一啲變態、要求多、臨時講價等麻煩玩家時，點樣可以見招拆招兼唔會得失對方，於是自製咗一本應召守則出嚟。咪以為裏面只不過係簡單幾句，佢哋不但綜合咗多年嚟見客嘅心得，仲舉埋事例出嚟，等囡囡睇完後可以照辦煮碗，對住一啲麻煩玩家時便可以知道點做。本嚟呢本守則係行內秘密，點知早前有位燈頭一個唔小心畀人查獲，喺佢身上搜出呢本守則，結果呢本神秘指南就咁曝咗光。
對經常北上嘅玩家嚟講，相信都遇過唔少卡片黨，即係佢哋所派嘅卡片上，都寫有特別推薦胸模、美艷白領、純情少婦等字樣，當然唔少得24小時上門服務同聯絡電話等呢啲咁重要嘅「消費資料」。不過如果大家有留意，呢期少咗卡片黨出沒，而原因何在呢？原來早前杭州有關方面接獲民眾舉報，於是組織一輪嚴打，不但先派人跟蹤呢啲出沒於街頭巷尾，及鬼祟咁喺酒店房門罅攝卡片嘅男女，然後再經過兩個月嘅部署，就將當地嘅卡片黨一網成擒。雖然有人認為事發不過係喺杭州，對於一啲北上熱點未必有影響，但係小心駛得萬年船，都係穩陣啲好。
鍾意食日本料理嘅人都聽過「親子丼」，呢種主要以雞蛋同雞肉造成嘅日式滑蛋雞肉飯，由於雞蛋同雞肉有母子關係因而得名。不過大家又有冇聽過日本風俗店有種叫做「親子丼」嘅玩法呢？佢之所以有個咁嘅名，係因為道理同滑蛋雞肉飯差唔多，風俗娘以一老一少嘅打孖上方式，同時滿足玩家嘅需要。呢種曾經喺七、八年前流行一時嘅玩法，家陣喺東京又再成為潮流，唔少風俗店都推出呢種曾經風行一時嘅玩法。佢再掀起潮流嘅原因，皆因日本現時風俗消費能力下降，及投身風俗業嘅女性人數不斷增加，為咗令玩家有種抵食夾大件嘅心理滿足，於是佢哋便以加服務卻唔加錢嘅方法再現江湖，只係唔知熱潮可以維持幾耐呢？
撰文：魂