樂壇有分偶像派同實力派，前者多以年輕活力加上靚仔靚女作為賣點，後者顧名思義就係以一流唱功及矚目嘅台風而受注目。喺日本水着界同樣有此分類，之不過，實力派水着妹一樣可以貌美迷人兼且身材一流，由於喺水着界浸淫多年，拍出嚟嘅寫真作品每每更顯示出迷死男人嘅嬌嗲一面，好似今日介紹畀大家嘅兩位大家姐原幹惠同濱田翔子咁。
日本水着界新人都有明確目標，近年通常都係希望成為第二個綾瀨遙又或係壇蜜，當然原幹惠都係好多新人發奮嘅目標人物，原因唔單止連議員AV仁都鍾意，喺全日本國民心中，阿妹都係位一流女優。家陣28歲嘅原幹惠雖然冇喺2003年出道嘅時候咁青春活潑，但係呢個年紀嘅女人味出晒嚟，加上天生麗質，迷人魅力相當出眾。原幹惠身材亦比以前更弗更健美，一副37-24-35胴體凹凸有致，一對賴以成名嘅堅挺天然G奶皮薄肉嫩，仲透出撩動男人視覺嘅青筋！擁有如此身材同美貌除咗幫阿妹橫行水着界，仲成功登陸藝能界火速轉型為演員，《孃王3》就由佢擔正女主角，近日有份演出嘅亦有《稅務調查官．窓際太郎之事件簿》。幸好，原幹惠雖然拍劇不斷，但喺水着界一樣保持產量，《戀之季節》就係最新作品喇。值得留意嘅係佢扮演一名體貼女友，一邊做家務一邊甜絲絲咁微笑，夠晒嬌俏可人，做完家務梗係要小休一番，原幹惠躺在床上瞇眼嘟嘴嗲到出汁，有呢位女友真係此生無憾也，當中亦會發覺阿妹嘅演技已經提升到更高層次。
碟名：《戀之季節》
收錄時間：97分鐘
售價：約HK$255
香港影壇有唔少年過六十嘅女演員依然皮光肉嫩，而喺日本娛圈同樣有好多不老傳說，至於水着界亦有如此天賦異稟嘅例子，其中一個就係濱田翔子喇。翔子面上青春氣息濃厚，一派嬌嗲又可愛嘅萌味，同十八廿二嘅美少女相若。翔子雖然冇豐滿身段，但係肌膚嘅鮮嫩同白滑程度優良，加上屁股又圓又挺，要利用身材勾引男人目光一啲都唔難。睇完翔子嘅樣貌同身材，大家覺得佢家陣幾多歲？廿一、廿二歲？錯晒！翔子今年已經29歲，出道拍水着寫真已有十三年咁耐，儼如水着界大家姐！咁多年來翔子都係保持住呢副甜美童顏，唔知係咪食咗防腐劑。除咗拍寫真，亦有拍電影同電視劇，電視劇《FILM FACTORY》更係翔子親自監製添。至於《戀之連續假期》就係翔子嘅第46隻寫真DVD，今次去到沖繩優美嘅海灘上搔首弄姿，大玩濕身之外，仲玩埋SM繩綁，更有一幕光豬上陣畀按摩師用手不斷搓弄玉臀同玉背，期間舒服到鶯鶯嗲叫，實在銷魂之極。
碟名：《戀之連續假期》
收錄時間：80分鐘
售價：約HK$323
撰文：賢