貧乳女魔王

有人愛巨乳亦有人鍾情貧乳，既然係咁，模型又點可以係巨乳女郎嘅天下呢？日本人氣動漫《新妹魔王的契約者》中嘅女主角之一成瀨萬理亞，將會推出養眼無比嘅模型，以火辣嘅貧乳造型攻佔好此道者嘅心。喺漫畫內經常做出各種淫行嘅佢，性感造型充分體現呢種性格，超細碼嘅戰衣不但露出度極高，胸圍更露出南半球，加埋飛釘嘅造型令人流晒口水。此外，佢嗰條細到極點嘅底褲，更係令人心跳加速。另外，真係唔可以唔讚原型師嘅細心，事關佢忠實呈現戰衣嘅細節位同時，嗰對惡魔翼同條尾亦造得相當細緻。