撞正英超尋日開鑼，唔少波迷都磨拳擦掌，話要去英國捧愛隊場。不過既然長途跋涉去到英國，又點可以唔去埋一啲有特色嘅脫衣舞夜店呢？好似位於英國中部德比郡嘅人氣夜店Baby Platinum，相信係大家嘅好選擇。呢間以高質素、高格調及高享受為經營方針嘅夜店，以藍光打造成嘅環境，不但有種迷離感，而高級音響及燈光系統嘅配合，更係令玩家甫入場，已感受到尊貴嘅享樂氣氛。
此外，夜店內嘅艷舞女郎同樣質素相當高，高挑得嚟又玲瓏浮凸嘅身材，配合埋出色嘅舞技，令玩家得嘗視覺同觸覺上嘅盛宴。如果唔想喺一樓嘅大廳區玩樂，玩家可揀選貼牆嘅垂簾梳化位，既可有較大享受空間，又可欣賞到舞池演出，或者索性到二樓嘅VIP房，享受更高層次嘅官能體驗。當然，高質服務換嚟嘅係消費一啲都唔平，每3分鐘嘅半裸艷舞就盛惠50英鎊（約600港元）嘅消費，真係要考驗玩家荷包嘅深度。
撰文：魂