大家咪以為只有華人地區先至會有行內禁語，例如做地產嘅唔會講空屋而稱之為吉屋，原來日本亦有咁嘅習慣，就好似佢哋嘅風俗業一樣有行內禁語，但就同迷信冇乜關係。此外，今次亦會講吓夜遊業嘅宣傳手法，同樣會令大家有意想不到嘅感覺。
囡囡做宣傳都係從外在同內在兩方面着手，外在無非話自己個樣有幾索，身材幾咁標青，而內在則係講自己床上玩法多多，上天下海，仲反應十足云云。不過，大家又有冇諗過原來姨媽嚟都可以係宣傳手法呢？話說早排有玩家收到相熟囡囡電話，對方稱感覺到快要有啲唔方便，叫佢想玩就要快啲約定時間。呢位心水清嘅玩家梗係知道女人唔方便係乜嘢意思，卻點都唔明為何要約時間呢？囡囡解釋因為唔少熟客都知道佢親戚就快嚟，於是都搶住入閘，為免搞到間房擠塞，便主動同玩家約時間喎！囡囡仲暗示，如果佢有「特別喜好」，紅燈嘅日子亦可以為佢私人服務咁話。
台灣嘅風月場所有唔少，而佢哋嘅位置不外乎大廈樓上或橫街，只係大家又有冇聽過原來釣蝦場都可以有色情服務？原來一啲釣蝦場，美其名為男士享受垂釣、燒烤同唱歌等樂趣，只係實情當男士入到去後，卻會發現場內嘅釣友身邊，都會坐住個性感無比嘅女郎。不過大家唔好以為仲有乜嘢下文，皆因呢啲釣蝦場中嘅女郎，僅會畀玩家過手癮，即係「手」索全身冇問題，半或全套服務則免問。此外，佢嘅收費亦一啲都唔平，據聞每半小時收費便要1,500台幣（約375港元）。既然係咁，點解仲會有人去玩呢？一來嗰度夠隔涉自然夠安全，二來話畀女友聽去釣蝦，邊個會估得到原來有景轟呢？
如果喺內地夜遊都有一段日子，都會記得以前嘅大小夜場，好鍾意幫啲囡囡改個明星名，而意思即係話佢個樣好似某某明星咁索以收宣傳效果。只係呢招點解唔再用呢？據有關人士表示，呢招完全唔關老唔老套嘅事，而事實上呢招真係幾有效，尤其係對內地玩家記囡囡個名。不過佢又補充指，由於家陣實在太多人用手機影相，無論係明拍同暗拍，囡囡嘅樣貌總會有啲流咗出去。喺咁嘅情況下，口碑就會變得不能控制。囡囡個樣唔似嘅話，即刻變成醜事傳千里，仲連帶個場生意直插水；囡囡個樣似，就會喺網上掀起相當人氣，正所謂人怕出名豬怕肥，到時即刻引起人哋注意，結果搞到當局(目及)實就唔好啦！
大家咪以為只有香港人先至有行內忌諱嘅禁語，就如賭仔唔好講書字咁，其實日本嘅風俗業亦有咁嘅規矩，好似池袋嘅澡浴店咁，佢哋就禁止店內人員同玩家講「請你入嚟睇吓」，亦有風俗店嚴禁風俗孃同玩家講「你預約咗我？」等。不過大家咪以為呢啲同迷信有關，其實係同心理學有關係。須知道日本人出晒名有禮貌，佢驚玩家聽到「請你入嚟睇吓」會有種無形嘅壓力，好似被人迫入去玩咁，而另一方面則覺得店員講出呢句說話，好似係對店內嘅風俗孃質素冇信心。至於「你預約咗我？」，則係擔心玩家覺得被風俗孃嫌棄，好似唔想服務佢咁，日本嘅風俗業真係細心到得人驚。
撰文：魂