麗麗 激凸嗲神 蕩漾心神

點解台灣女性對我哋嚟講別有吸引力?全因佢哋嬌嗲嘅語氣,令唔少血氣方剛嘅男士都為之着迷不已。不過講到嗲功,又點會係台灣女性嘅專利呢?內地人氣嫩模麗麗就精於此道,嬌嗲嘅性格加上前凸後趷嘅火辣身材,不但令男士心神蕩漾,更令佢成為大家心目中嘅魅力女神。

橫行模界

須知道江蘇盛產美女,而嚟自呢個地方,今年21歲,英文名叫Ashely嘅內地模特兒麗麗,就充分體現出江蘇美女嘅特質之餘,火辣身材更係令人一見難忘。事實上,喺去年先至出道嘅佢,起初並非一位寫真模特兒,而係以時裝模特兒身份登場。擁有出眾外形同身材,從出道之初就經常喺比堅尼、內衣、時裝展等舞台上亮相,又曾經以彩繪女模身份登場,火辣身材瞬間成為會場嘅焦點。另外,佢又先後以車展模特兒身份,現身於2014年CAS上海國際改裝車展、2015年嘅常州汽車博覽會及無錫國際車展等。既然佢擁有如此優厚條件,又點能夠唔踩入寫真界呢?故此,自從佢喺時裝騷上取得成績,便馬上投入寫真攝影工作,更以超性感嘅造型攻陷大家嘅眼球。

深情點滴

隨住佢嘅寫真推出,網絡上嘅人氣亦因而急速提升。最初大家嘅焦點好多時落喺佢嘅樣貌同身材上,只係當大家喺佢個人微博上互動嘅機會愈嚟愈多,發覺呢位模特兒仲有另一個迷人之處,就係佢嬌嗲嘅性格。好似喺微博上載性感泳衣相後,愛自稱寶寶嘅佢嬌嗲話:「人家都脫光了,你還不來支持吓,寶寶要哭!」如此嗲爆嘅語氣,試問有邊個男士能夠頂得順呢?不過除咗嗲功一流外,佢愛屋企人嘅性格亦深得網民歡心。好似早前就透露,佢母親最近要做手術,因此相當擔心,又因長期喺外面工作,故此有同屋企人變得疏遠嘅感覺。如此細膩又溫柔嘅性格,加上出眾嘅外形,想唔成為男士心目中嘅女神就難啦!最近佢又表示就快要考車牌而感到相當緊張,唔知大家會否趁呢個機會為佢十卜一下呢?

個人微博

麗麗不但擁有魅力非凡嘅外在美,內在同樣有唔少值得大家喜愛嘅地方,最重要就係佢好鍾意喺微博上同粉絲進行互動。如果想認識多啲呢位迷人美少女,又想欣賞多啲佢誘人無比嘅寫真,就記得要入去佢個微博度睇吓喇!

網址:weibo.com/u/5541677219

麗麗Profile

出生地:江蘇無錫

身高:175cm

三圍:35、26、37

出生日期:1994年3月23日

撰文:魂