嚟喇喂!EXXXOTICA Expo有星有色

一年幾度,於美國多個州份輪流舉辦嘅EXXXOTICA Expo,可算係美國最具分量性博覽之一,由2006年開始每年風雨不改舉行,由當初被外界反對指渲染色情,到今日每次閒閒哋有3、4萬人入場參加。今次大會繼續一貫主題「Sexy. Fun. Different」,繼6月首站喺芝加哥舉行後,8月第二站喺達拉斯開波,亦係最多人留意一站,即刻睇吓有乜搞作先?

百女滿場飛

今年初大會喺官網宣布於芝加哥、達拉斯及新澤西州呢個三個地方舉辦性博會,觀乎網友反應,第二站達拉斯最多人注目,原因係第一站不論係參展商及表演嘉賓都未熱身,所以反應都係曳啲!據官方表示,第二站將於8月7日至9日喺達拉斯舉行,同首站一樣,有超過100位駐場性感囡囡滿場飛,更有多達150名職業脫星Non-Stop助興,佢哋除咗剝衫同表演自摸外,仲會有性教育環節,喺台上分享各「色」各樣正確性愛玩法及解答性愛問題。

脫星方面,大家可以十萬個放心,皆因每年大會都喺網站畀網民第一時間得知脫星出場次序,以及邊件脫星鐵定出席,而一眾脫星仲會同參加者癲足一日,梗係啦!呢個活動絕對係脫星Show Off最佳時機,同粉絲零距離接觸,絕對係千載難逢機會,試問點可以蝕底先?

3晚After Party

今次EXXXOTICA Expo大會冠名贊助由Myfreecam包起,意味色情視頻將會係大勢趨。另外,今次破天荒連續三晚都有After Party,對比以往只得一晚,唔使多問都知有幾爽啦!Expo焦點除咗係Miss EXXXOTICA選舉,由評審及現場觀眾即場選出最正囡囡外,當然一班脫星亦備受注目,好似一隻腳踩入四仔界嘅「圖書館女郎」Kendra Sunderland肯定會出場,另外Cosplay女王Tanya Tate表明會以最爆最激造型示人,仲有籮霸Alexis Texas、淫亂夫婦Mike Blue及老婆Nikka Albrite都話齊齊瞓身支持。講真句,去Expo睇女睇表演其實仲High過睇年終乜乜頒獎禮,巴打們有機會真係要去一鑊呀!

網址:tx.exxxoticaexpo.com

搞成人展賺到笑

搞成人展只有香港唔賺錢,據歐美調查報告所知,外地每年閒閒哋都有過億美元營業額,當一半係純利都幾和味!難怪大大小小嘅性博覽都爭住舉辦,喺6、7月旺季,美國就先後有成人漫畫Cosplay展、Webcam Girls展等,就連BBW(Big Beauty Women)都話要搞展覽。嗱!嚟緊9月喺紐約就有個SHE(Sexual Health Expo)展覽,有咩睇?之唔係類似EXXXOTICA Expo咁,實行有錢齊齊搵!

網址:www.sexualhealthexpo.com/

撰文:祖