日本進行過一個關於日本女性點樣處理黑森林嘅網絡調查，訪問咗1,000名年齡介乎20至69歲嘅女性，分享佢哋對黑三角毛毛嘅睇法，結果發現有五成三人表示佢哋毛毛相當茂盛嘅同時，當中卻有約五成六受訪者唔會處理，只有兩成六及兩成三人表示會修剪突出泳褲外嘅毛同埋將佢哋剪短。究竟美國脫星Zoey Monroe，又點睇毛毛呢個問題呢？
Q：歐美四仔嘅脫星喺演出前，都會剃光自己嘅毛毛，目的係為咗令上鏡時更企理，並令四仔睇得更加清楚。不過私底下嘅你，係咪都會着重修飾毛毛呢？
Zoey：我之所以剃晒啲毛毛，確實係為咗演出需要，只係亦有部分脫星係因為防止毛髮過度茂盛而產生健康問題，先至會剃光晒佢哋。不過若然冇工作，我係唔會咁做，最多只會修剪露出泳褲以外嘅毛毛。點解我唔會主動理佢哋呢？因為我覺得冇毛毛嘅話感覺好唔舒服，就好似冇咗一道保護層咁，會令我周身唔自在。此外，我覺得有啲毛毛先至有美感，反而覺得乜都冇嘅話相當唔自然。當然，本身我嘅毛毛確實唔算茂密，而我就知道有啲同行，佢哋嘅毛髮生滿大腿內側，就真係要經常去脫毛喇！
Q：以往有一個調查，發現唔少男士都對冇毛毛嘅女性仲感興趣，唔知你以後會唔會為咗挑起男友嘅興趣而脫去所有嘅毛呢？
Zoey：偶爾一次梗係冇問題，反正我嘅工作要求之一，就係要保持嗰度乾淨企理。不過如果長久落去，我反而唔會特登咁做，理由係我覺得呢種先至係真我。其實我一直都想講關於男士對毛毛嘅睇法，我覺得有唔少男士對冇毛毛嘅女性感興趣，唔多唔少係受到四仔嘅影響。佢哋覺得冇毛毛先至夠吸引，並可以挑起佢哋嘅情慾。須知道毛毛本身有佢嘅存在價值，尤其係喺床戰中更有緩衝嘅作用，如果剃晒啲毛毛，不但會喺曳曳時好唔舒服，女士亦有可能因此而產生唔同嘅婦科病，到時認真手尾長。
撰文：魂