南韓早前有媒體做過一個關於職場內人氣職員類型嘅調查，結果發現喺1,025位男性受訪者中，有57％認為有常識又會撒嬌嘅女同事最得佢哋歡心。其實唔單止職場係咁，平日生活中亦以呢類型嘅女人最受男士歡迎。不過美國脫星Veruca James卻表示，到咗床上反而係潑婦類型嘅女人，先至可以帶畀男士最大嘅樂趣。
Q：點解你會覺得床上嘅潑婦，先至可以畀到男士最大嘅樂趣呢？事關按道理男人都鍾意溫柔嘅女性。
Veruca：溫柔嘅女性固然係生活上嘅好夥伴，只係上到床卻係另一種情況。須知道男士都鍾意多元化嘅體驗，如果床上床下都係一個模樣，佢哋好快就會覺得冇咗新鮮感，久而久之亦難以挑起興趣。不過換上潑婦就唔同，不但可以畀到意想不到嘅體驗對方，亦可以令床戲有更多嘅變化，關係自然可以維持得更加長久。就以我為例，記得我對待初戀男友時係好溫柔又好體貼，只係冇耐我哋就因感覺變得平淡，最後維持咗18個月就分手。喺第二段戀愛中，床上嘅我變得潑辣，唔會一味順從對方嘅要求，甚至經常反客為主，結果我哋嘅關係維持得較長久，直到後嚟因工作問題至黯然分手。
Q：按你嘅經歷，難怪覺得床上潑婦至係令性生活變得豐富嘅重要因素。不過你可唔可以解釋乜嘢叫做床上潑婦呢？
Veruca：其實潑婦呢個字係前男友畀我，係指喺床上可以隨時表示自己嘅感覺，亦可以因應對方嘅表現而作出任何嘅決定，而唔使只係聽從對方嘅指令。舉個例子，好似我嘅前男友有次曳曳途中，突然話想轉到一個公眾場所進行，話呢種玩法好刺激。我梗係唔會聽佢講，不但即時拒絕，更唔畀佢掂我一個禮拜，從而令佢明白到有啲玩法係我所接受唔到。事實上，由於初戀時帶畀我嘅經歷，令我明白到對方有啲要求係唔可以亂咁遷就，只要畀咗佢第一次，便以為以後都可以咁樣做。其實我覺得自己有權要求一啲嘢，呢點係相當重要。可能係因為我呢種做法，故此便得到潑婦嘅稱呼。
撰文：魂