咪咪大 獎項小 DDF Awards又嚟喇！

奶神唔畀面

假如一個四仔頒獎禮，求其一個候選脫星嘅分量都勁過晒啲獎項，咁呢個獎仲有乜嘢意思呢？仲有頒獎禮場地喺四仔片廠舉行，而一眾得獎脫星着住四仔片廠嘅Logo背心，下身襯私伙喱士底褲登場，然後企定定接受片廠老闆頒獎兼抽水，咁嘅頒獎禮你話好笑唔好笑呢？講緊嘅係荷蘭大型四仔廠DDF Network所搞嘅DDF Awards，嚟緊9月會舉行第二屆。上年舉行第一屆時係威係勢，提名角逐獎項嘅脫星超過60位，而頒發獎項包括有Ultimate Sex Goddess、Glamour Sex Goddess、Hardcore Sex Goddess等，當中最具分量及最多人留意一定係法國妹Eva Parcker捧走Glamour Sex Goddess大獎，各界都以為Eva妹攞獎後肯肯定會得到力捧，但實情係阿妹自上年11月之後就冇新作推出，甚至連寫真都冇出過。而另一大獎Ultimate Sex Goddess由美國奶神Siri奪得，佢過去一年成績理想，加上DDF主打巨乳四仔，阿妹攞獎可謂實至名歸，但最諷刺嘅係當事人竟然唔畀面出席，證明Siri早就知道呢個頒獎禮唔去也罷！

Lucie攞硬獎

對四仔迷嚟講，查實邊個攞獎都無所謂，最緊要係事後有甜頭，好似官網有得Free睇四仔、同女神免費玩視頻等，最好係拉一大班得獎脫星拍套大作啦！無奈以上統統都冇囉，真係頒完就算，巴打連打個冷震嘅機會都冇呀陰功！

據成人新聞網報道DDF Awards 2015同上年冇分別，獎項依舊，人腳冇變，而網友中過招都冇晒興趣再估誰是冠軍，至於被視為新一代奶霸嘅19歲捷克妹Lucie Wilde就應該攞硬Busty Sex Goddess獎，話晒阿妹挾住對純天然32G爆奶，一邊奶都大過你個人頭，加上佢係DDF出身，備受重用，攞唔到獎至奇！

話就話9月1日全球網友登入「DDFAwards.com」成為會員就可以投下「神性」一票，但DDF為造勢，家陣已經喺官網喪谷各位候選女神，更炮製網站「kinkies.xxx」畀各大候選脫星親撰宣傳語拉票，有興趣嘅巴打到時記得投票啦！

脫星裸照年曆

於上一屆DDF Awards得獎脫星，原來全部都係得個獎座，連現金獎或開拍個人四仔都冇份，相反DDF最識搵錢，推出2015 DDF Calendar年曆，有齊12位得獎脫星裸照，售價29.95美元（約234港元），依家仲以半價發售，巴打有興趣冇？

撰文：祖