雖然話鹹濕係男人嘅天性，但想引玩家入閘卻係少啲頭腦都唔得。單靠色誘只有一時之效，講到長遠計則要諗吓點樣可以吸引到玩家捧場，服務周到固然唔在講，加啲新玩法就更加好，使乜好似日本嘅色情酒吧咁搞到要老屈啲客嚟搵食，最後搞到一頭煙。
美國四仔經常見到以鹹濕健身室為題材嘅作品，片中脫星着得超性感嚟健身，唔單止香汗淋漓，咁啱遇着個健身教練，最後齊齊風流快活。咪以為呢個係四仔橋段，話說港島區就有個樓上舖囡囡上演呢種健身誘惑，不但以緊身健身衫突出玲瓏浮凸嘅身材，更以香汗嚟色誘玩家，搞到班男人未入閘就已經硬晒軚！據講呢位囡囡不嬲都有健身習慣，故此房內擺咗對啞鈴同條跳繩，點知有日有玩家撞啱囡囡健緊身，望住對方汗濕緊身衫嘅造型，佢猛咁話正，囡囡靈機一觸從此提供健身誘惑。可惜囡囡話做埋呢期就唔搞，皆因佢嘅體能已經頂唔順喎！
家陣公司想搵人才，唔再係好似以前咁登廣告就得，仲要有橋先至可以吸引大家嘅注意。咪以為一般公司係咁做，台灣就有夜總會以極有噱頭嘅方法，大打溫情牌嚟徵求囡囡，睇完後真係忍唔住畀個讚佢！呢間台灣嘅「娛樂經紀公司」所設嘅網站，一打開就見到個好夢幻嘅窈窕淑女背影相，然後下面就寫住「擺脫貧窮，不要錯過這一次」、「想要擺脫貸款，或體驗奢侈消費的快感嗎？」等語句，最後再列出各種福利同工作保障，配合青春又可愛嘅畫面，若然唔係睇到佢寫有徵求「飯局妹」同「酒店公關」嘅字樣，仲以為佢係請模特兒。所以話，家陣仲以高時薪嚟徵求囡囡，Out晒喇！
喺唔少香港人嘅心目中，日本人做生意都好均真，只係連番發生喺歌舞伎町嘅新聞，卻打破咗呢個觀念。話說喺6月中，東京警視廳拘捕咗6間色情酒吧，合共11名負責人同職員，本月初又有4名酒保被捕，原因均係衰老屈。客人明明飲咗幾杯酒並且冇嗌女，結果要埋成百幾萬日圓嘅單，最離譜嘅更係發生喺去年12月中，當時9名客人喺酒吧飲咗一粒鐘酒，竟被店長屈佢哋飲咗172杯酒，及搵咗11個陪酒女郎，埋單價高達266萬日圓（約17萬港元）！據悉有關客人皆因貪每小時收費5千日圓嘅酒價及有女陪酒夠晒平，先至會入局，而自今年一至五月嘅相關案件，已係去年13倍達1,350宗，難怪會引嚟有關方面注意，大家千祈咪因平失財呀！
呢個世界嘅經濟始終離唔開供求關係，既然有需求又使乜擔心會冇供應，縱然內地唔少邪骨場表面上轉咗正，查實暗裏咪又繼續邪落去，最怕就係有啲唔熟路嘅男士，盲摸摸去錯地方，自以為個場外貌好正經，結果跌落邪骨陷阱。點解咁講呢？話說有位正經到爆嘅仁兄，去咗龍崗一處光猛大場諗住揼骨沖涼。點知入場後經理叫佢揀技師，佢心諗乜按摩都要揀技師嘅咩，於是求其點咗個後就入房。佢見技師着得好密實兼正經按摩，正以為自己諗多咗之際，對方突然用力一扯，扯爛咗佢條紙短褲，跟手就……結果佢喺猝不及防嘅情況下，就咁獻上第一次。
撰文：魂