咪以為浪漫同危險係相對嘅形容詞，現實中不但有個咁嘅地方，仲被網民視為最過癮嘅性地，佢就係位於美國加州優勝美地國家公園內，擁有「世界邊緣」之稱嘅絕崖凸石Glacier Point。呢個高達海拔2,199米嘅空中之石，不但可以俯瞰下面嘅村落，而四面更係被群山包圍，景色極為迷人，而每到夜晚呢度更係一個相當浪漫嘅觀星地，因此唔少美國網民稱呢度係個最危險，卻又最浪漫嘅曳曳性地。雖然係咁，但其實去曳曳嘅話真係唔容易，事關呢度唔單止相當高，四周又冇圍欄之餘，佢更係一個旅遊勝地，每個夏季都逼滿嚟觀光嘅人潮。如果冬天嚟嘅話，呢度則冰雪處處兼寒風凜冽，睇嚟都係幻想吓好啲。