體壇有好多女運動員擁有高強本領，仲有美貌以及好身材，好似網球界嘅舒拉寶娃就係好例子啦！而喺日本體壇亦有唔少美女運動員，乒乓球界有四元奈生美，近期活躍於藝能界嘅淺田舞就係花樣滑冰好手，至於近期廣受男士注意嘅重點女運動員，相信一定係睇得又打得嘅女拳手高野人母美喇！
今年27歲嘅人母美人如其名，生得一副嬌美面孔，其身材更極為出眾，身高5呎10吋，胸前仲有一對D-Cup美乳，亦正因為佢又索又好波，吸引好多男粉絲入場觀賞其拳擊賽事。成為職業拳手以來，已經取得7勝1敗佳績，戰鬥力非凡！除咗打拳有實力，人母美更因為外在美而獲邀拍寫真作品一顯性感魅力，最近就推出首本個人寫真集《Positive High》，當中會記錄人母美到泰國練拳實況，仲會喺泰國嘅自然環境之下一騷火辣胴體，更有透點演出嚟個重「點」出擊，實在不容錯過！
售價：約HK$201
撰文：賢