脫星跨界可以有幾「誇」？原來同威士忌品牌合作出酒都得噃！最近美國四仔導演兼脫星Tori Black替一間酒商代言威士忌，酒商更強調，威士忌經過囡囡波哋「過濾」先入樽，懶理啲酒醇定惡啃，單係條橋經已贏晒，嗒酒同時嗒女，呢啲先係男人真正浪漫呀！
女神級脫星Tori Black毋須再多講佢有幾索、演出四仔有幾好睇、攞過幾多個獎項、喺百大脫星榜排第幾，大家要知道嘅係早已搵夠錢上岸、已婚兼有兩個寶貝嘅Tori，點解仲咁賣力拍四仔，而當事人喺成人網站專訪中自爆迷戀拍四仔係因為抽離唔到，佢承認性慾非常強烈，每日都渴望上床，曾先後喺2011年及2013年因為生育無法開工而感到失落，及後為咗對寶貝，阿妹決定有限度演出，為片廠Elegant Angel擔任導演可謂抽身第一步，家陣Tori姐拍親都係大製作，至於寫真或官網真人騷則可免則免。不過，減少演出唔代表唔做其他嘢，最近歐美多個成人新聞網站都以頭條報道Tori替一間威士忌酒商Whisky By X擔任代言人，同另一位荷蘭籍索爆裸模Joy Van Velsen一齊代言，之不過Tori姐名氣實在太猛，鋒芒蓋過晒後者，所以網上都係瘋傳Tori姐嘅代言新聞！
話實，喺Whisky By X未推出呢兩段挑逗味極濃嘅廣告時，從來冇聽聞Tori會踩入酒界，保密工夫做得相當好。而今次酒商搵嚟兩大索女代言，不但無損品牌價值，反而係三贏局面，事關兩件女喺巴絲打心目中都係非常高貴，雖則Tori姐喺四仔界乜都玩，但女神稱號絕非浪得虛名；至於現年25歲嘅金髮索妹Joy Van Velsen係Playboy Playmate，有對天然34D巨咪之外，仲好有腦，大學行政管理系畢業，人生格言係Enjoy Life，做裸模要求優雅性感。兩件女各拍一段挑逗廣告片，極之引人入「性」，巴打梗係喪Loop啦！其次Whisky By X嘅官網及社交網專頁都有過萬人次瀏覽，最後係巴打睇到脫星剝衫以外另一面，咁你話仲唔係三贏！
講咗咁多囡囡，啲酒又點呢？據官網介紹，最巴閉亦最令人着迷係威士忌經過大量極品美女嘅波哋「過濾」，難怪官方強調飲威士忌飲到激情及夢幻嘅感覺啦！不過，官方未有交代究竟用邊Part波哋，係用雙手定係最神秘地帶呢？睇怕只得酒商及美女先知。最吸引係睇見Tori Black喺廣告中將威士忌由心口一路淋落去，叫人點可能唔諗邪嘢吖！大家快啲Click入呢個網址睇片：www.by-x.com/OurModels
四仔界無人不識嘅男優Ron Jeremy早年因通波仔而經常出現喺成人新聞網站，雖然現今報稱已好番，不過依然酒不離手，又難怪嘅，Jeremy除咗係經典四仔男優，亦係品牌Ron de Jeremy冧酒老闆，早喺2011年以個人之名及嘜頭推出冧酒系列，更有官方網站銷售，主要喺美國及加拿大售賣。據Ron哥表示每款酒都係佢多年品酒心得調校製成，不時會為紀念某位名人而推出限量版，又經常搞試酒會，亦有教人溝酒。不過，Ron有心臟病，真係唔好飲咁多酒呀！
撰文：祖