所謂人旺冇幾何，發圍梗係要起埋啤啦！好似日本影壇新星大野絲咁做就啱喇。今年20歲嘅大野絲喺2011年以模特兒身份轉做演員，首部電影作品係《高校新人》，演技備受好評之下成功入屋演出電視劇《高中生餐廳》。除咗銀幕演出，大野絲亦有拍寫真，其標致面孔加上5呎6吋高挑身材吸引到唔少捧場客。今年大野絲嘅演藝事業發展得如火如荼，今個月有電影《天之茶助》，之後就有愛情電影《忘雪》上映。喺電影界發展順遂，阿妹決定喺寫真界再下一城，最近就推出最新個人寫真集《dear》，當中她會少有地以性感形象登場，展露其青春胴體，大騷玉腿及雙峰，一洗以往嘅清純感覺，大家喺欣賞大野絲嘅演技之餘，亦不妨買本寫真集了解一下阿妹嘅性感一面啦。