家陣搵食艱難，做乜都要大，打工仔工作量要大，包容量亦要大，而喺日本不論做賽車女郎抑或係偶像歌手，一樣要夠大至容易搵銀。要邊度大呀？咪胸大囉！好似今日介紹嘅春菜遙及佐藤聖羅咁，正因為上圍夠大才能成功發圍。
以前擔任賽車女郎除咗要靚女，仲要身材高挑，咁先容易喺場內鶴立雞群，吸引觀眾注意。現時就唔需要，擁有標準高度即可，但前提最好係擁有豐滿上圍，原因係啲車迷亦係球迷，熱愛欣賞巨乳美人，春菜遙咪就係擁有E奶而突圍囉。今年24歲嘅春菜遙喺2010年擔任賽車女郎，其精靈大眼，帶有混血兒感覺嘅五官，成功吸引唔少車迷注意，後來更被東京電視嘅娛樂節目《過度COZY》選為第九代過度COZY女郎，之後更成為知名賽車女郎團體「A-class」嘅代表人。除咗活躍賽車場，春菜遙仲涉足寫真界，將其E奶以及飽滿臀部一併送上畀觀眾欣賞。佢嘅最新寫真DVD《Secret Lover》，阿妹換上性感衣着搔首弄姿時仲會特別搵個陰暗位，例如房間角落或者樹蔭之下，營造出神秘感同偷情氣氛，相信大家定會畀呢位秘密情人搞到意亂情迷。
碟名：《Secret Lover》
收錄時間：90分鐘
售價：HK$258
日本超人氣偶像團體AKB48同SKE48嘅成員都係青春活潑嘅美少女，佢哋活力十足，跳得又唱得，無論係宅男定係麻甩佬都被佢哋深深吸引。而令人驚喜嘅係，當中唔少都擁有驕人身段，好似AKB48嘅小嶋陽菜就憑住一副好身材成為內衣品牌代表人喇。除此，SKE48嘅佐藤聖羅近期同樣以驕人身材發圍。佐藤聖羅喺2008年加入SKE48，隨團體活躍六年之後喺上年宣告畢業，之後以個人名義發展。雖話大樹好遮陰，但係聖羅可以話係團體當中最索嘅一個，單飛發展一樣咁掂。阿妹靚女又好波，胸前34G美巨乳又大又挺又彈手，憑此更勇奪Miss Action 2015冠軍，成為新一代寫真偶像。喺聖羅最新嘅寫真DVD《Innocent Baby》，大家可以完全感受到其火辣身材威力，而阿妹仲特別剪咗個清新可人嘅短髮，更顯得青春活潑，睇完呢隻DVD，保證精神爽利，興致「勃勃」。
碟名：《Innocent Baby》
收錄時間：150分鐘
售價：HK$326
撰文：賢