美國四仔細佬日日睇，但美劇就真係冇乜興趣。不過家陣唔係咁講喇，點解？咪因為呢套「神劇」《權力遊戲》（Game of Thrones）囉，依家播緊第5季，古仔講乜你唔使多問，只要知道有邊件囡囡演出就夠，事關每季都會請嚟不同國籍嘅脫星演出，有情慾場面露點兼執劑，至今已有6位脫星參演，咁吸引你點可以錯過！
呢套美劇最吸引巴打睇，一定係嗰6位脫星，雖然佢哋戲份唔重，兼且都係飾演妓女，但一出場就交足戲，相當精彩！當中最出名係土耳其裔德國籍嘅Sibel Kekilli，現年35歲，早喺2001年已活躍於四仔界，2004年成功轉型拍大電影《勇往直前》，獲得德國電影獎最佳新人獎及女主角獎；2010年主演電影《當我們離開》，飾演一位飽受丈夫虐待嘅人妻，帶住5歲囝囝逃離柏林，Sibel憑住精湛演技獲得多個電影節最佳女主角獎，之後Sibel醉心電影工作，佢嘅演技備受國際肯定，於《權力遊戲》第1至第4季都有份演出而漸被觀眾認識，Sibel姐可謂成功由色情走入屋嘅脫星。
另一位要留意嘅係索到震嘅英國妹Samantha Bentley，阿妹喺第4季劇集內飾演妓女，演技備受關注。早前佢接受成人新聞網站XFANZ訪問，表示可以喺第5季繼續演出深感榮幸，同時幫助佢開拓色情以外其他領域！查實睇慣美國四仔都識得Samantha妹，而阿妹亦憑住呢套劇而爆紅，家陣幾乎每個成人網站及電影網站都想搵佢做訪問，亦因此連帶一眾英國姊妹都被美國巴打注視，Samantha更被封為當今最正英國脫星，好威水呀！但咪以為阿妹有樣有偈又有運，佢喺訪問中自爆，當年喺大學修讀時裝設計，為咗生活費及學費，日間喺校園設計脫衣舞衣供各大夜場使用，而喺夜晚到夜場跳脫衣舞，阿妹話明白到所有嘢都得來不易，學懂珍惜，好似佢今日有幸由脫星變演員，完全唔介意做妓女角色，仲多謝各界畀機會佢，而佢下一個目標係要做四仔導演，相信對Samantha嚟講絕對不是夢！
另外，2009年喺成人雜誌《Playboy》出道嘅Jessica Jensen都係正到爆，5呎9吋高，天然靚偈36D-26-37，到今日仲有拍全裸寫真，此外，佢仲係地產經紀又係健身教練，果然美貌與智慧兼備；而其餘三位囡囡Sahara Knite、Aeryn Walker 及Maisie Dee至今都有演出四仔，表現中規中矩啦！不過，講開又講，即使唔係脫星，該劇集內唔少女演員都有裸露場面，咁其實點解又要搵脫星上陣呢？
人氣美劇《權力遊戲》係一部中世紀史詩奇幻題材嘅電視連續劇，以美國作家George R.R. Martin的奇幻巨作《冰與火之歌》系列為基礎改編創作，故事講述維斯特洛嘅7個王國爭奪「鐵王座」，這場權力鬥爭充斥陰謀、慾望與反抗，成王敗寇，只能選擇成功，或者死亡。
呢套劇集於2007年1月開始製作，第1季喺2011年4月首播，目前已播映第5季。有指每季拍攝費高達6,000萬美元，既大製作又浪漫，肯定好睇過啲師奶劇多多聲！
撰文：祖